Shillong, April 22: Bobil dakgipa dolrangko bon·atna am·sandianirangko dakengon, Meghalaya Police, champenggimin dol Kangleipak Communist Party – People’s War Group (KCP-PWG)-ni Finance Secretary, Khundongbam Herojit Meitei-ko Byrnihat-ni Nongthymmai-o rim·aha.
Ka·dongna man·gipa koborrangko man·soenba, Ri-Bhoi District Police-ni Special Team Meitei-ni donue dongenggipa nok para ra·gipaoniko rim·aha. Ua saksa ra·sekdrae ra·ani baksana Meghalaya a·dok aro uni sepangjolo donggipa biaprango gipin niam pe·ani kamrango bak dongpagipa ong·a.
Police dolrang, mobile phone bolgni baksana gipin chanchichipgipa bosturangkoba rim·aha. Sing·anirangko dakanio, bobil dakgipa dolrangna tangka paisarangko chimonge on·aniko Meitei ku·rachakaha. Manipur a·doko am·sandianirangko bariatani gisepon ua rim·aoni jokna gita Assam-Meghalaya sima ari jolrangko donue katna jakkalahakon ine Authority-rang chanchichipenga.
A·bachengo am·sandianiko dakanio, Meitei, Myanmar aro Nepal-o bobil dake chakatgipa dolrang baksa bak dongpaakon ine rim·na gita man·aha. Batanggimin 2023 bilsio uko Manipur-o niamgri slairangko ra·bitanina aro 2018 bilsio pekatgipa bosturangko badingsrukanina Dimapur-o rim·aha. Nongpoh Police Station-o uni kosako case-ko segatenba, am·sandianirangko dakenga.
Na·simang ia video-koba nina man·gen:
Na·simang iakoba poraina man·gen: Honey Processing Centreko Chandigreo Meghalaya Speaker oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
