Shillong, July 9: Meghalaya Police-ni sak 104 Unarmed Branch Recruit Constable (UBRC)-rang, Umran-o donggipa 6th Battalion Armed Police Training Centre-o training-ko ra•e pass ka•angaha aro uamangna Mongolbar salo dingtangmancha passing out parade-ko ong•atangaha.
Ia passing out parade-o Meghalaya a•dokni Director General of Police (DGP) Idashisha Nongrang, mongsonggipa sokgipa ong•e gital constable-rangna aganprakengon, training-ko matchotanggipa sak 104 gital constable-rangna an•tangni namgipa skanirangko on•angenba, police-ni kamko ka•anio pangnan namgipa gunko mesokchina ku•pattianirangko on•angaha.
Ia chang police constable-ni training-ko pass ka•gipa sak 104 UBRC-rangoni graduate aro post-graduate-rangba bang•en dongaha ine an•tangni kusi ong•aniko parakatengon, skang somoirangode graduate aro post graduate ong•gimin candidate-rang, Meghalaya Police-o constable-ni kamna gisik nangtokjachim indiba da•o somoirang dingtangan baksana obostarangni dingtanganikoba nikna man•engaha ine DGP aganaha.
Ia gital constable-rangko Meghalaya Police-ni nokdangona rimchaksoangengon, “Ia training-o na•simangoni mitamrang boksisrangko man•aha aro ian gipinrangnaba dakmesokani ong•china. Jemangan boksisrangko man•pajaha, na•simangba boksisrangko man•e Meghalaya Police-na, an•tangtangna aro a•songna mikkim rasongko ra•bana gita bang•en cholrangko man•gen,” ine a•dokni DGP Nongrang aganaha.
Ia gital constable-rangna skie on•na gita rakbee kamrangko ka•ahani gimin ua dingtangmancha Armed Police Training Centre aro skie on•giparangkoba mittelpilangaha.
Ia passing out parade-ko ong•atanio 6th Battalion-ni Commandant Rituraj Ravi-ba jinmana aganprakengon, training-o pass ka•anggipa sak 104 UBRC pilakan a•dokni dam 12 a•jarangoni ong•a aro uamangko dam 7 DEF-rango kam donataha ine parakataha.
Pass ka•anggipa UBRC-rangoni sak 3-de diploma donggiparang, sak 22-de HSSLC pass ka•gimin, sak 66-de graduate-rang aro sak 14-de post graduate-rang ong•a ineba Ravi aganaha.
Ia training-o chegiparangnaba DGP-ni jakchi trophy-rangko on•angaha aro boksisko man•gipa manderangara, physical training-o best trainee-ni boksisko Nongpoh DEF-ni Batsrang A Sangma, best disciplined trainee-ni boksisko Baghmara DEF-ni Toribateibok Ksiar, indoor subjects-o best trainee-ni boksisko Tura DEF-ni Mike Donbor Marngar, outdoor subjects-o best trainee-ni boksisko Tura DEF-ni Monkiru Dhar, firing-o best trainee-ni boksisko Baghmara DEF-ni Iohlang Lathong aro best cadet trainee-ni boksisko Baghmara DEF-ni Saurav Bhusha ong•a.
Na·simang ia video-koba nina man·gen:
Na·simang iakoba poraina man·gen: Assam-ni chirikamrango chi pe•gimin pakmarangko Geo-mega tube technology-chi rikpilna a•bachenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
