Shillong, Jan 15: Home Minister Pa Lahkmen Rymbui, DGP LR Bishnoi, Chief Secretary aro gipin niksenggipa manderang gimikni dongpaanio, SF10-ni skanggipa matgrik me·chik sipairangko, chong·motan Women Commando Warriors, Meghashakti-ko niam gita kamona rimchaksoaniko Meghalaya-ni skotong minister Pa Conrad K Sangma, mija Sonibar salo parakate on·angaha.
Our Women are second to none and our Meghashakti Women Commando Warriors of the SF10 are bridging the gender gap in a male dominated field. We are inspired by their grit. Congratulations to each of these inspiring women! pic.twitter.com/ff0fy4SDxG
— Conrad Sangma (@SangmaConrad) January 14, 2023
Uamangko rimchaksoaniko parakate on·angani somoio, Meghalaya Police-ni ma·ambio ian namen dal·begipa sal ong·chongmota ine aganangengon, a·dokni skotong minister Pa Sangma, SF10-ni skanggipa Women Commando Warrior ba me·chik matgrik sipairangko a·doko man·chenganiara Meghalaya a·dokko man·ani bilsi 50 gapaniko chong·motan, Golden Jubilee-ko maniani bilsina bate gipin nambata bilsi dongja ine parakataha.
Skanggipa me·chik matgrik sipairangko ba me·chik Commando-rangko a·doko ong·katatna gita kamrangko ka·anio gisiko nanggiparang aro ia kamo mongsong jak donggipa Meghalaya police-ni Director General of Police (DGP) aro pilak gipin officialrangkoba skotong minister de·mittele aganangaha.
Me·chik sipai doloniko dingtangmancha seokgimin Meghashakti-na skotong minister an·tangni kusiniko chapatenba, iandakgipa gadangona sokdona gita dingtang dingtang training-ko ra·anio nambatsranggiparang ong·e chu·sokna man·tokaha aro apsandake bang·bea neng·nikanirangkoba chagrongbana nangtokenggen ine chanchiatna gita man·enga ine aganenba, sipairangni ka·gnigipa kamrango pilak ka·rimskarang baksa aro gipin commando-rang baksa apsangrik ong·e na·simangni kamko ka·anggnini giminba anga ka·dongsoenga ine skotong minister agandapataha.
Home Minister Pa Lahkmen Rymbui, unomiting bakko ra·enba jinmana aganprakatanio, batanggimin bilsi 50-rango Meghalaya police bakrobegipa ramarako songrebaaha ine aganenba, a·doko dingtang dingtang dakgipa obostarangko chagrongna nangani somoirango a·dokni police-rang on·kangani gnang warachakna gita amaniko kamrangchi mesokaha ine Pa Rymbui parakataha.
“Uamangko kamo rimnapanian a·dokna gamchatbegipa sal ong·chongmota ine aganangengon, iandakgipa kamna an·tangtangko on·kangenganina me·chik commando-rangko dingtangmancha de·mittele agananga baksana, uamangni kamrang a·dokoni gipin me·chikrangnaba nama dakmesokani ong·chongmotgen ine home minister aganangkuaha.
