Shillong, Nov 9: Meghalayani Home Minister Pa Lakhmen Rymbui a·dok-ko bobil dakgipa dolrang do·gachol dake jakkalna man·jawa maina police dolrang mikrake an·tangtangni kamko bimchipe ka·enga ine aganaha.

Batanggimin ja 4 ni gisepo ka·namgijagipa bobil dakgipa dolrangko  A·chik a·songni dingtang dingtang bakrango charonganio police dolrangoni uamang jentensa joke katna chol ong·aiaha indake uamangko ja·kol sane dongenganiko police dol dontongjaenga ineba aganaha. Indake u·ina man·gen: adita ja rangna skang bon·atako man·gipa bobil dakgipa GNLA dol ni bang·a dakgrikani silchidare rangko a·o dape dongiparangko police dol sandirikite man·aha.