Shillong, March 6: Meghalaya a•dokni Skotong Minister Conrad K Sangma, Shillong songjinmao gari gora re•anio apchangketaniko komiatna aro re•ruraanirangko nambatatna gita cholrangko man•aha ine parakatengon, ian Shillong Urban Mobility Policy-ni bak ong•a ineba ua Assembly-o aganangaha, jeon ramarango naljokaniko nambatatani, ramarangko tariani, garirangko dondikatna biaprangko tariani baksana mande rama re•na gita nambata biaprangko rikanikoba man•chapa.

Opposition-ni dilgipa, Mukul Sangma-ni ramarango naljokaniko name dake niani bidingo sing•aniko dakon, sorkari chu•gimik kamrangkon name nianirangko dakan baksana nanggipa ja•ku de•anirangkoba dakanggen ine Skotong Minister ku•rachake ra•angaha.

Rengrengsil aro ja•achi re•gipa manderangna 30% mangni gita ramarangkoba tarianggen. Gari dondikatna neng•nikanirangko olgrokatna gitaba, dam 1,200 gari dondikatram biaprangko rikengaha ba tik ka•manaha.

Uasan ong•aigija, sorkari street parking policy-koba a•bachengate on•angaha.

Deputy Chief Minister, Sniawbhalang Dhar, main secretariat sambao donggipa ramarango rongrangko nonganiara national road standard-ko jarika ine talate on•angaha. Poraie niani gitade, ia ja•ku de•aniara, Shillong songjinmao gari gora re•anio apchangketaniko komiatna gita dakchakani ong•gen.

Na·simang ia video-koba nina man·gen: 

Na·simang iakoba poraina man·gen: DIPR, Emerging Trends in Public Communication-ni Conclave-ko ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub