Shillong, March 12: Meghalaya a•doko Uranium bikotaniko chingni sorkari on•jawa ine a•dokni skotong minister Conrad K Sangma mongolbar salo aganangaha. Ma•mong sorkarina, dol ge•sa Uranium-ko bikotaniko abachengpiltaina ine sedoatani jaman skotong minister iako janapataha. “Je dolrangba ma•mong sorkarina sena gita man•aia indiba una chinga chakpaaniko on•gen ine ong•ja, maina ian manderangni janggi ni gimin, an•seng baljokani gimin aro a•dokko mikkangchi silroro namroroatna chanchina nangani ong•a ” ine skotong minister kobor ra•timgiparangna parakataha.
Chingni sorkari, manderangni namnikgijako dakjawa ba ia biaprangko name porikka ka•e nija dipetde, a•doko Uranium bikotaniko dakna man•jawa. Iani bidingo saoba namniknaba donga ba saoba iako namnikjanaba donga, uni gimin pilakon nigrike jinma baksa name dake chanchirimaniko dakesa, nama namgija uarangko nichengesa iani gimin ja•ku de•aniko dakna gita nanggen ineba Sangma janapangkuaha. Skotong Minister-ni u•iatani gitade, da•o dipet Uranium bikotani gimin ma•mong sorkarioni mamingba u•iatani dongkuja.
Na·simang iakoba poraina man·gen: Boma gopretanio jak donggipa manderangni kosako rakgipa ja·kurangko de·gen: Conrad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
