Shillong, August 18: Warachakgipa dolni dilgipa Dr Mukul Sangma, Meghalaya sorkarini bijolini a·jao tik ong·jaenganina jakgitele am·sandigipa dolni jako sandianiko dakchina dabie a·songni Prime Minister-na sedona tik ka·aha.
Bijoliko watgipa Department mongsongbate MeECL-ni bijolini watanio tik ong·gijani aro tangka paisao tik ong·gijanirangko bang·e nikenga, unigimin togi cha·bokaniko bon·atna ku·rachakgipa Prime Minister mikkang niteani gri kam ka·chongmotgen ine Dr Mukul Sangma aganan baksa uni seatgipa chitio Smart Meter-ko ra·gatani bidingo jakgitele sandianiko dake on·chinaba dabiangaha.
