Shillong, Sep 18: Meghalaya a•dokni dingtang dingtang tourist spot-rangona Assam taxi-rangni mande salruraaniko jegale Budbar salo All Meghalaya Tourist Taxi Association (AKMTTA), Shillong songjinmani Malki kal•chakramo tom•bimonganiko ong•atangaha aro antisani gisepon uamangni dabianiko chu•sokatchina a•dok sorkarina somoiko on•angaha.
Iani bidingo AKMTTA, a•dokni Chief Minister Conrad K Sangma-na chitti sedoatenba, Meghalaya a•dokni dingtang dingtang tourist spot-rangona Assam taxi-rangni mande salruraaniko champengatchina dabiangaha.
Ia tom•bimonganiko ong•atani bidingo AKMTTA-ni president Ricaldinus Dohling talate on•angengon, Meghalaya a•doko tourist taxi-rangko salruraenggipa manderangara driver-mangmangsan ong•ja indiba Meghalaya Tourism-ni janggil bolgro gita ong•engani gimin a•dokni dingtang dingtang tourist spot-rangona Assam taxi-rangni mande salruraaniara uamangni bading chiwalaniko nosto ka•asan ong•jaenga indiba Meghalaya Tourism-ko tang•onatani gitaba ong•enga ine parakataha.
Meghalaya a•doko Tourist taxi-rangko salruraenggipa manderang pilakan Assam-ni taxi-rangko jegalangkugen ine janapatengon, salsnini gisepo uamangni dabianiko sorkari chu•sokatjagenchimode uamang chanchirimtaienba, dingtang ja•kurangko de•angskagen ine AKMTTA-ni president parakataha.
Na·simang ia video-koba nina man·gen:
Na·simang iakoba poraina man·gen: Ranji Trophy-na Meghalaya dolko gital coach baksa seoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
