Shillong, July 12: Meghalaya a•dokni Skotong Minister Conrad K Sangma, da•al salni bako State Convention Centre-o Meghalaya Youth League 2024-ko, ia kal•susaaniko ong•atenggipa Meghalaya Football Association-ni President, Hamletson Dohling, Sunesh Syiem, Association-ni Secretary aro kam ka•enggipa official-rang baksana Meghalaya Olympic Association-ni President John F Kharsing ma•angni dongpaanio a•bachengate on•angaha. ” Meghalaya Football Association-ni ia Meghalaya Youth League 2024-ko ong•ataniara, mingsa nambegipa ja•ku de•ani ong•a jean mikkangchi chu•sokgipa ong•na bil donggipa chadamberangna nambegipa ga•chatani cholba ong•achim. Ian a•doko robol kal•na gisiko nanggipa aro robol kalna sapgiparangna an•tangtangni changa sapaniko me•sokna chol ong•an baksana a•dokna aro a•songnaba robol kal•aniko ra•doani ong•gnok. Jensalo MFA-ni President angona re•baaha, anga ontisaba jajrengani grian sorkarini gita dakchakaniko on•a gita namnike ra•chakataha, maina Meghalaya Football Association ian dolsa nambegipa ong•an baksana a•doko kal•susaanirangko ra•dona aro kal•na sapbegipa chadamberangkoba ra•donaba dakchakaha,” inenba a•dokni Skotong Minister aganangan baksana, “an•chingni chadamberang nama dakbewal aro kal•susaanio niamrangko ja•rike kal•anggen ine ka•dongsoenga, aro indake a•dokni chadamberang namroro silroroangchina gita uamangna sorkarini gita pangnan dakchakanikoba on•anggen,” ineba ua aganangkuaha. MFA ba gipin nangrimgimin dolrang baksa bakrimenba a•dok sorkari chadamberangna an•tangtangni changa sapaniko me•sokna gita bang•a cholrangko on•anggen, jedakode uamang Association-tangna jakkaltobegipa ong•an baksana a•dokna aro a•song chiganaba jakkaltobegipa ong•gen, ineba ua aganangaha.
Uasan ong•aigija, chadamberang an•tangtangko on•kange aro gisiko nange ranta ka•aniko dakjringani gamchatanikoba aganangaha maina chadamberangni bilko kakket ong•gipa ba uamangna chongmot ramako mesoke on•a gita nangchongmota ineba ua agandapangkuaha. Dingtang dingtang kal•susaanirango nadobaenggipa chadamberangko nirok simsakna gita nangchongmotani gimin aganengon, bilsi 7-ni gisepo ming 5 Meghalaya Games-rangoniko ming 3-ko a•dok sorkari ong•atangaha ineba ua u•iatangaha.
Sorkarini gita bilsi 5-ni gisepo bang•a kal•chakram biaprangko rikaniko dakangaha aro re•baenggipa bilsirangoba bang•a kal•chakram biaprangko rikkangkugen ineba ua aganangaha. Ia kal•susaaniko, 2024 bilsini July 20 tarikoni, a•dokni dingtang dingtang jolni association-ni bak ra•giparang baksa ong•atanggen. Ia kal•susaaniko bak 2 dakataha, chongmotan bilsi 14-na komigiparangna Sub-Junior Level aro bilsi 16-na komigiparangna Junior level-o kal•atanggen. Ia kal•susaaniko, inter-district dake ong•atanggen jeon Meghalaya Football Association-ni ge 20 district association-rang bak ra•anggen, chongmotan, East Zone -Shillong Sports Association, Sohra Sports Association, Riwar Mihngi Football Association, Ri-Bhoi District Sports Association aro Western Ri-Bhoi District Sports Association.
West Khasi Hills Zone – Tyrsad Area Sports Association, Eastern West Khasi Hills (Pyndemumiong Sports Association), Mawkyrwat District Sports Association, Nongstoin District Sports Association, Mawshynrut Sports Association.
Jaintia Hills Zone- West Jaintia Hills District Sports Association, East Jaintia Hills District Football Sports Association, Amlarem Sports Association, Saipung Block Sports Association aro Laskein Sports Association.
Garo Hills Zone – Tura District Sports Association, Williamnagar District Sports Association, North Garo Hills-ni District Sports Association aro Baghmara-ni District Sports Association iarang ong•a.
Ia kal•susaaniko ong•atani miksonganiara, National Football Championship-o a•dokni gita kal•susagiparangko sokdoatpana miksonganian ong•a.
Na·simang ia video-koba nina man·gen:
Na·simang iakoba poraina man·gen: Doner Minister ong•e jako ra•ani ja•mano Jyoti Aditya M Scindia Assam-ona re•baa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
