Tura, July 20: Skanggipa changna ong•atenggipa Meghalaya Youth League-ko Chandmari Football Turf-o Sonibar saloni dipet a•bachengataha.
Ia League-ko oprakani U-14 category (Zone-A) kal•susaanio Tura District Football Association baksa Baghmara District Football Association kal•susaangaha, jeon, Tura U-14 me•asa dolrang ga•suprete kal•enba 13-0 goal-rangko man•e Baghmara-ni kosako chegipa ong•aha.
Ia kal•susaanio Tura doloni goal chipgiparangara, Wennieber M Sangma, 3,7,17 aro 67 minute-rango, Adeodatus G Momin, 4 minute-o, Angchu Derio T Sangma 19 minute-o, Adoweanga R Marak 31, 34 aro 35 minute-rango, Luxbirth M Sangma 63 minute-o aro Chegado Ch Marak 16, 24 aro 60 minute-rango goal-rangko chipaha.
Ia Meghalaya Youth League-ko zonal basis-o kal•anggen jeon knockout stage-ona sokdona gita jol 4-ni dolrang susagrikanggen. Youth League-ko a•dokni dam 8 a•jarango ong•atenga.
Ia Meghalaya Youth League-ko ong•atengani miksonganiara, Meghalaya a•dokni palo national level kal•susaanio bak ra•na gita chadamberangko seokna ong•atengani ong•achim. Una agreba, club-level senior football-rango bak ra•na gita robol kal•na gisik nanggipa chadamberangko ong•katataniba ong•a aro ian a•songni bilakbatsranggipa robol kal•giparangko namdapatanio on•gilpaaniba ong•achim.
Na·simang ia video-koba nina man·gen:
Na·simang iakoba poraina man·gen: Matchapeng chadrapanio bilsi 45 ong•gipa me•chikma saknaatako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
