Shillong, Jan 5: India a·songo ra·gatnasienggipa Bharatiya Nyaya Sanhita (BNS) niam bidolni ning·o rakbegipa niamrangko gatdapna ja·kue de·enganiko jegale Meghalaya a·dokoba tourist taxirang konta 48-na ong·katgija donggen ine taxi salgipa dol parakataha.

Niam gital ra·gatnasienggipako jegale a·doko konta 48-na taxi salgijani Sukrobar saloni a·bachenggen.

Mandeko gari salpake siate ba saknaate katode tangka lak 7 daiko gamna nanggen, ong·jaoba bilsi 10na patoko dongna nanggen ine Bharatya Nyaya Sanhitri (BNS)ni ning·o niamko napatnasienga. BNS-an Indian Penal Code-ni pal ong·angskagen ineba ja·ku ga·angenga.

Gari salgiparangni dangdike on·na jechakengania Meghalaya a·dokni gitasan ong·ja, a·song gimiknian sko sabeani ong·gen ine Tourism Minister, Paul Lyngdoh jajrengchake aganaha.

Niamkode ja·riknan nanggen, maina bang·a changon sikatang aro simsakgija gari sale bang·a manderangni janggirang gimaaha ine Paul Lyngdoh aganaha. Konta 48 tourist taxi salgija dongna tik ka·ani bidingo aganengon, pilak kamkon a·song gimiko dakenga kamrang baksa nigrike aro melie ja·ku de·angna nanggen ineba ua agandapaha.

India a·song gimiko manderangko aro mal-matarangko gari salgiparang baksa ku·cholsan ong·aniko mesoke, Meghalayao tourist taxi salgiparangba gital ra·gatnasienggipa niamko jegalsoenga.

Iakoba poraie nina man·gen: ‘Angko rim•aniko BJP nangnika’: Arvind Kejriwal

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub