Tura, Oct 18: Meghalaya Board of school Education –ni bilsi 50 gapani manianiko Tura songjinmani ningo donggipa Green Heaven-o, Meghalaya a•dokni dakchakgipa skotong Minister Pa Sniawbhalang Dhar a•dokni Education Minister Pa Rakam A Sangmani dongpaanio budbarsalo oprake on•nangaha.
Meghalaya Board of School Education ba MBOSE-ko bilsi 1973-o sorkari a•bachengatahachim aro unonin da•alo chu•gimik bilsi 50 gapaha aro ia bilsi 50-o MBOSE a•doko songdongenba poraigipa chatro chatrirangna uamangni janggitanganio seng•ani u•i ma•sianirangko on•nenba banga dakchakanirangko on•nangkuenga.
Tomanio gnigipa maongsonggipa onge sokgipa Education-ni Minister Pa Rakam A Sangma jinmana aganprakengon Je manderangan MBOSE-ko a•ba chengaoni da•ona kingking on•kange kamrangko ka•engachim uamang sakprakon mitelenba a•dokni skanggipa skotong minister Capt. Williamson A Sangmakoba uni mikkangchina niksamsoe kamrangko ka•dilanganina miteljolangaha.
Uni agandapkuanio gitcham dilgiparang a•songo skia poraoanio tangdona chanchisamose kamrangko ka•enba pangchakaniko a•bachengataha aro uamangni indake a•bachengdilanichisa a•doko songdonggipa manderang skia poraia man•nani gadango tangdona janggitanganio namdapna manaha ineba ua janapangaha.
Tomaniona Mongsonggipa onge sokgipa a•dokni Deputy chief Minister Pa Sniawbhalang Dhar A•gilsako Education dongjaode mamungba dongja maina, education-sa a•songni silroro namroroanio mongsonggipa bak ong•a ine jinmana parakangaha.
Uni janapdapkuanio a•dokni skotong minister Pa Conrad K Sangmako a•dokni pilak skulnokrangko namdapatna tangka paisarangko chamanina mitelenba chinga sorkario mongsongbate Education-ko mongsongbatgipa ong•e raeng•a aro iana chinga nangode tome chanchirime kamrangko ka•enga ineba parakataha.
Ia manianiona Tura songjinmao donggipa banga chatro chatrirang skiggiparang aro officer-rang rebaenba bakko ra•etokaha. Manianiko Meghalaya a•doko songdonggipa mongsonggipa jat gegittam jekai Garo, Khasi aro Jaintia-rangni dakarika aro chorok mesaanikosan mesokaigija gipin songdong chapgipa jatrangni dakbewal aro chrokanirangko dakemesoke tomaniko ansawatangaha.
Iakoba poraie nina man·gen: GSU Gasuapara unit, HSSLC exam centre-ko on·china dabie a·dokni education minister-na memorandum-ko on·anga
Watch
