Shillong, Sep 12: Mahatma Gandhi National Rural Employment Guarantee Act (MGNREGA)-ni kamrango dingtang dingtang neng•nikanirangko chagrongna nangengani gimin Bristibar salo, Meghalaya a•dokni Community & Rural Development (C&RD) Minister AT Mondal, talataniko on•angaha.
MGNREGA-ni hajirangko on•anio ja•manchakrongenga ine matnangenggipani bidingo sing•anina aganchakaniko on•angengon, hajirakode ma•mong sorkarionisa watatengani gimin tangka paisarangko man•soahaon somoi gita hajirarangko on•enga aro ia hajirarangko job card donggipa manderangni account-rangonan joljol watatenga ine Mondal parakataha.
Gisepode hajirarangko on•anio ja•manchakrongaia ine janapatskaengon, MGNREGA-ni kamrang matchotahaon uarangko software-ona watatenga aro kamni bill-rangko gamgenchimoba gipin bill-rang bariroroskaaiani a•sel ja•manchakrongaia ine C&RD Minister aganaha.
MGNREGA-ni kamrango jakkalgipa bosturangna tangkarangko gamani gimin talate on•angskaengon, bostuni bill-rangko gamanioba apsan daken ma•mong sorkarioniko man•soahaon joljol tangka paisarangko gamatenga indiba apsan daken ianoba gamna nanganide bariroroaia ine Mondal aganaha.
A•doko, mongsongbate a•kawe jolrango, MGNREGA-ni kamrangko mikkang niteani gnangsa on•a aro tangka paisarangko jakkalsreta ine matnanganirangna aganchakaniko on•angskaengon, kam on•anirangko name nirokchina ua block development officer (BDO)-rangna ge•etaniko on•manaha aro banoba iandake matnanganirang donggenchimode pangnan inquiry-rangko dakatrongenga ine C&RD Minister parakataha.
Na·simang ia video-koba nina man·gen:
Na·simang iakoba poraina man·gen: South West Garo Hills-o ‘Back-to-School’ Campaign-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
