Shillong, March 22: Meghalaya Humans Right Commission-ni Secretary, Commission aro uni member-rang baksana, B Giri aro P J P Hanaman, 2024 bilsini March jani 19 tarikoni 21 tarikona commission-ni ning•o segatgimin human rights violation-ni case-rangko matchotatna camp sitting-ko dakangaha.
Iako dakanio mongsonggipa ja•ku de•aniara, 2018 bilsini July 25 tariko, North Garo Hills-ni Manikganj songo karen nange sianggipa sak 5 manderangni jikdrangrangna, ex-gratia financial assistance-ko Meghalaya Power Distribution Development Corporation Ltd (MePDCL) tangka gong 1,00,000-ko watatna tik ka•anian ong•aha. Ex-gratia payment-ko 2019 bilsion chamatman•ahachim indiba da•ona kingkingba tangka paisarang napkujaengachim. Ia commission-ni gisiko nange kamrangko ka•anichi chu•sokna man•aha aro jemangan Assam a•dokoni ong•achim uamangko u•ina man•a gita Assamese Vernacular Dailies-o gatatenba uamangko ma•sina man•aha. Indake karen sala man•e sigiparangni jikdrangrangna, Tura-o March jani 20 tariko tangka paisarangkoba on•atna man•aha.
2020 bilsini July 22 tarik dipetoni, karen nange saknaa man•a ba janggitangko gimatgiparangna ex-gratia relief-ni tangkarangko 2,50,000-ona bariataha.
Na·simang iakoba poraina man·gen: Tripura-o Ramnagar bye-election-na CPIM-ni candidate nomination file ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
