Purakhasia, Feb 1: Sukrobar salo, South West Garo Hills a•jani Purakhasia-o ong•atgipa Meghalaya Hajong Welfare Association-ni chang 3-gipa Annual Conference-o, Skotong Minister Conrad K Sangma bak ra•angaha. Un baksa, 55-Salmanpara LAC-ni MLA Ian Botham K Sangma, 52-Rangsakhona LAC-ni MLA Subir Marak aro 54-Mahendraganj LAC-ni MLA Sanjay A Sangma aro gipin dilgiparang aro Hajong manderang dongpae bak ra•angaha.
Skotong Minister jinmana aganprakengon, pilak jatrangnan apsan dake cholko on•a kam ka•enga aro dingtang dingtang jatrangni neng•nikanirangko masichakgrikna iandakgipa conference-ko ong•atani gamchatani gimin aganan baksa uamangko tang•doatna dakchakaniko on•a ku•chakangaha.
Ia tom•anio MHWA-ni gita, Hajong jatrangko silroro namroroanina dakchakaniko on•china dabie memorandum-ko Skotong Minister-na on•angaha. Iani gisepon Skotong Minister-ba, Chief Minister’s Special Grant-niko gong lakh 7 on•a aro Tura Akhonggre-o rikenggipa Girl’s Hostel-ko matchotatna gong lakh 24-ko on•a, chu•gimik gong lakh 48-ko on•a ku•rachakangaha. Unbaksanaba, Purakhasia Anchalic MHWA-na Ambulance aro chibimani jokbaenggipa chiko chel•chaksona gita Dhubakora, Puran Bazar-oni Genapara-ona pakma tarie on•gen ineba janapataha.
Rika cho•ani bidingo janapengon, re•a doanio namdapatna gita Sosanghat gita Genapara-oni Dhubakhona-ona dolong kae on•china dabianiko a•dokni Suspension Bridges Program ning•o pangchake dolongko kae on•anggen aro uamangni dongchakenggipa gittimrangona re•enggipa rama sorokrangkoba tarie on•gen ine ua ku•rachakangaha.
Indake, lekka pora skianiko on•anio dakchakaniko bi•aninaba, Hajong chatro chatrirangna scholarship aro gipin man•gni cholrangkoba on•anggen ineba Skotong Minister ku•chakangaha.
Unbaksana, Hajong me•chikrangko aro ba•ra doke cha•giparangko, CM Elevate Program-ni tangka paisasani gita dakchakaniko on•engani cholko ra•china didiataha.
Una agreba, Hajong jatni dakbewalrangko ripingna nangchongmotani gimin janapengon, Meghalaya a•dokko tang•doatanio mongsongbate ge•e game cha•anio, ba•ra dokanio aro gipin kamrango Hajong-rangni on•gilpaaniko janapatan baksa dingtang dingtang policy aro program-rangni gita dakchakaniko on•gen ine ka•donganikoba on•angaha.
Uarangna agreba ia tom•anio, jatni daka rikani aro chrokmesaani, jatni ja•rikdingbaenganiko mesokani aro janggi tanganio tang•doani gadangrangni gimin ba chanchirimaniko dakangaha.
Indake Meghalaya Hajong Welfare Association-ba sorkarini gita bang•a dakchakaniko on•a ku•chakanganina aro uamangko gamchate ra•enganina mitelpilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Jowai-o donggipa a•kuang damsao gari ga•aksrua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
