Jowai, Oct 05: Skul bi·sarangna Midday Meal-ko songe-chane on·anio kam dakchakgiparangna batanggimin jadokna kingking uamangni man·gnirangko on·kujaengani gimin, All Jaintia Midday Meal Workers Union, Bristibar salo, West Jaintia Hills a·jani District School Education Officer-ni biapo jingjengatenba iani bidingo a·dok sorkariko gisik ra·atangaha.
Ia jingjengataniko uamangni Advisor Pa K.L.Pariat, padot Pa. Jerry Anderson Suting aro gipinrang dakdilangaha aro jingjengatani ja·man uamang, a·jani Sub Division School Education Officer, Ma A. Syiem-ko grongangjolaha.
Uamangni man·gnirangko on·kujaengani gimin, sorkarini kamna suk ong·gijaniko mesokna gita uamang ia jingjengataniko dingtang dingtang district-ni skotong biaprango dakangaha, aro iani gisepon sorkari, Union-ni dabiako knachakjaode mikkangchi uamangni jingjengataniko bilakbatatgen ine Pa Pariat u·iatangaha.
Indake ong·engon, uamangni man·na nangarangko on·china gita Union of Cook Cum Helper PM POSHAN Meghalaya-ni dakchakgipa padot, Jerry Anderson Suting, ia jani 13 tarikko sorkarina somoi on·angenba, iani gisepo sorkarioni maming knachakjagenchimode Shillong-o jingjengatskana gita mikrakatanikoba on·angjolaha.
Iakoba poraie nina man·gen: Na·masu kg 56 batako man·taia!
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
