Baghmara, Dec 13: Meghalaya Institute of Governance (MIG) Shillong, dal•drobaenggipa me•a aro me•chik bi•sarangko uamangni changa sapaniko jakkale janggi tangani cholrangko ra•ani bidingo skie on•a gita, ‘Building Young Leaders by Empowering Adolescents boys and girls with transformational life skills’ ine katta bichongko done Life Skills Training-ko ong•atanio bak ra•gipa skigiparang aro chatro chatrirangna mitelpilskaani programme-ko, Baghmara-ni Don Bosco Higher Secondary School Hall-o ong•atangaha.
South Garo Hills a•jani Additional Deputy Commissioner aro DRDA-ni Project Director ong•enggipa, Shri P. R. Marak, training-o bak ra•e Certificate-ko man•bagipa skigiparang aro chatro chatrirangna nama skaniko on•engon, ia program-o bak ra•e mikkangchi janggi tanganio chagronggnigipa neng•nikanirangko ka•donga gnang tarisamsona man•gnok aro ian na•simangni dal•roroanio aro songsalna on•gilanio dakchakaniba ong•gnok ine aganaha.
MIG-ni Programme Coordinator, Ms June H Warbah-ba, South Garo Hills a•jani dal•drobaenggipa chadambe me•a aro me•chik bi•sarangni dal•roroanio, uamangni janggi tanganiko tang•doatna iandakgipa project-rangko uamangona sokatna uni kam ka•ani gimin janapatan baksa, ia Life Skills Training-o chakchikgija bak ra•ahanina chatro chatrirangkoba ua mitelpilskaaniko dakangaha.
Ia program-ko ong•atanio, Life Skills Training-o bak ra•gipa chatro chatrirang, uamangni cha•totgiminrangko sakgipinrangna aganangaha aro una agreba, Baghmara-ni dingtang dingtang Institute-ni chatro chatrirangnaba certificate-rangko on•angaha.
Na·simang ia video-koba nina man·gen:
Na·simang iakoba poraina man·gen: Rhythm School Annual Concert Tura-ni manderangko ka•srokata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
