Shillong, Aug 2: Sukrobar sal Meghalaya sorkari, Meghalaya Identification Registration Safety and Security of Migrant Workers Act 2020-ko taridapahani gimin ia niamko pe•giparang da•ode gong lak 1 tangkako dai gamna nanggnok.
Gipin biaprangoni Meghalaya a•dokona re•bae kam ka•e cha•enggipa manderangko nambate nirok sandina man•na gita ia Act-ko a•dok sorkari taridapenba bilakbatataha aro gipin biaprangoni re•bae kam ka•e cha•enggiparangko nirokanio a•dok sorkari, Crime and Criminal Tracking Network System (CCTNS)-koba jakkalna tik ka•angaha.
Ia Migrant Workers Act-ko taridapani bidingo a•dokni Cabinet Minister aro MDA-ni ku•wattimgipa Paul Lyngdoh, kobor ra•timgiparangna talate on•angengon, ia taridapgimin niamko Sukrobar salo Cabinet ra•chakangaha aro da•o ia Act-ko bon•kame ra•chakna gita Assembly Session-ona ra•anggen ine parakataha.
Niam pe•giparangna sastirangko rakbatatna gita dai gamaniko gong 5000-oniko gong lak 1-ona bariatna gitaba sorkari tik ka•aha ine Lyngdoh aganaha.
Niam gri gipin biaprangoni a•dokona re•bapbae kam ka•e cha•enggipa manderangko dingtang dingtang dolrang nirok sandiengani gimin sorkari, ia Migrant Workers Act 2020-ko bilakbatate taridapaha.
Lyngdoh-ni parakatani gitade, a•dokona re•napbae kam ka•e cha•enggipa manderangni nokdangrangni bidingo am•sandina aro ong•gija kamrangna biming man•gijagipa manderangsan Meghalaya a•doko kamrangko ka•e cha•na man•na gita a•dok sorkari, dingtangmancha CCTNS-ko jakkalanggnok.
CCTNS system-o man•gipa data-rango pangchake a•dokni police-rangba, gipin biaprangoni re•bae kam ka•e cha•enggipa nokdangrangni bidingo am•sandina man•gen aro gipin biaprangoni re•bae kam ka•e cha•enggipa manderangko register ka•anio Labour department, police-rang baksa nangrime kamko ka•anggen ineba Cabinet Minister parakataha.
Na·simang ia video-koba nina man·gen:
Na·simang iakoba poraina man·gen: Sikkim a•dok investor-rangni dakchakaniko nangnika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
