Arunachal Pradesh, April 25: Arunachal Pradesh-ni Dibang Valley a•jani ning•o donggipa Roing-Anini Highway, jean National Highway 313 ong•achim, ia sorokko mikka jimbe•e waani a•sel chi man•pakangaha. Ia national highway ia a•jako aro Indiani gipin bakko joragipa gesa mangmang sorok ong•achim.
U•iatani gitade, Hunli aro Anini songrango sorokni obosta namjabatachim, aro ian Dibang Valley-ni janggi tanganina nang•chongmotgipaba ong•achim, jean ia a•jani manderang aro India-ni gipin bakona songreanio aro bosturangko ra•ruraanio dakchakgipaba ong•achim.
Indake ongengon, songni dilgipa ua jolni manderangko sorokko taria matchotkujana kingking ua sorok gita songrejachina aro mikka balwa rakani, a•a ruani, chi ban re•ani aro rang•san chiring dal•baani bidingoba simsake dongchina mikrakataniko on•ataha.
Ia a•sel ong•anichi, ua jolo donggipa sorokrangni mangrakgijani aro ningtugipa biaprango sorok tarianio mai neng•nikanirangko man•a uarangko uina gita man•aha. Roing-Anini Highway, ian ua jolo songdongenggipa manderangna ge•sa mongsonggipa sorok ong•achim aro a•songni simao dong•gipa sorok ong•ani gimin a•songko naljoke rakkianina namen gamchatbegipa sorokba ong•achim.
Ia sorokko, ga•nanggijagipa biapo tariani gimin aro mikka wae sin•ani a•selo, rama nosto ong•gipako name taripilanio neng•nikaniko cha•grongna ka•dongsoenga. Sorokko taripilani matchotkujana kingking, a•jaona salantio nanggipa bosturang aro nanggitikan somoio nanggipa bosturangkoba dongtongatna ga•akaha aro iani a•sel sambajolo songdongenggipa manderangna neng•nikanirangkoba ra•baani ong•gnok.
Iani bidingo authority-ni manderang ia rama nosto ong•ani baditana kingking biljrimangahachim aro songni manderangni nengnikanirangko maikai komiatna man•gen una cholrangko sandie nianirangko dakenga. Indake ong•genchim ong•oba, ning•tugipa biap ong•ani a•selo, sorokko name taripilanio bang•bea sal aro somoirangko nangnaba donga ineba parakataha.
Na·simang ia video-koba nina man·gen:
Na·simang iakoba poraina man·gen: Meghalaya-ni mande saksako tangka chong•mot ong•gija baksa Dudhnoi-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
