Shillong, Sep 26: Mongolbar salo, mikkarang jimbee waangani ja•man, Ri Bhoi a•jani Patharkhmah jolo a•arang rurongaha aro a•a rurongdapako man•e adita garirang nosto ka•ako man•tokaha.
A•arang ruronganio adita garirang nosto ka•ako man•ahaoba darangba saknaanirangkode man•skajaha.
Mongolbar attamchibara 3:00 bajimango dontonggija mikkarang jimbee waangani a•sel a•arang rurongbae, Patharkhmah bazaar sambao donenggipa adita garirangko bolrang be•dapeaha.
A•arang rurongdapa man•gipa garirang bang•batan Patharkhmah jolo songdongenggipa manderangni garirang ong•achim.
Ia a•selni video ge•saoniko niksona man•ani gitade, a•arang rurongdapanio AS-01BP 2426 Maruti (Van) Omni gari bilongbate nosto ka•ako man•na nangaha.
A•arang rurongani ja•man police-rang, jolo songdongenggipa manderangni dakchakanichi, ramarangko rongtalatna gita kamrangko a•bachengataha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
