Shillong, June 11: Adita antirangna sal ding·prakaniko a·doko songdongenggiparang chakna gita nangtokahani gisepon, wachini mikkarang ja·manchakbeesa wana gita a·bachengani gimin Shillong songjinmao baditaba salna mikka tipchanggija jimbee waangani ja·man, rama-sorokrango chi skonge dal·aniko aro garirangni sket-changket dakaniko songjinmao nikangna gita man·taiaha.
Shillong songjinmani dingtang dingtang biaprangko man·chape, Polo aro uni samtantang biaprango chirang skonge dal·anirangko nikna gita man·angaha aro ia biaprango bilsiantin gita chirang skonge dongani chong·mot ja·pangara nanga gita mikka chirang joksole katna biaprang dongbrejani gimin ong·achim aro iandakgipa obostako ua jolni manderang batanggimin baditaba bilsirangonin chagrongbaengoba, iarangko nirok-simsakatnagiparang nikoba nikgija aro knaoba knagija jrip-mittip dongaianiko nikna gita man·enga, aro ia obostachi jolni manderang uamangni salanti janggi tangbewalanirango bang·a neng·nikanirangkoba chagrongna gita nangtokpilenga.
Ia apsan obostako mija anti Sukrobar saloba nikna gita man·angaha jeon, mikka jimbee waanichi Polo jolni ramarango manderang chi-jroe rona nampile mikkani chi skonge dal·angaha.
