Guwahati, Feb 17: Re•baenggipa 2026 bilsio ong•atna sienggipa Assam Assembly election-o amako man•na kensoengani giminsa manderangni gisikko bringbrangatna gita Assam a•dokni Chief Minister Himanta Biswa Sarma jotton ka•enga ine Sombar salo, Congress MP Gaurav Gogoi matnangataha.
Gogoi-ni jikgipa Elizabeth Coleburn-ko Inter-Services Intelligence (ISI) baksa jak donganina aro Britain a•songo songdongenggipa mande ong•e election-o campaign ka•anina inquiry dakgen ine Robibar salo matnange aganahani gimin Sombar salo, Assam CM-ni kosako Gogoi matnangatskaaha.
Sarma-ni mikkangko nien uni kenako ma•sina man•enga ine janapatengon, skango uni bil mesokanirang da•o gimaangaha aro uni salanti agangrikani bewalrangba da•o dingtangaha ine Congress MP matnangataha.
“Maini gimin da•alo ua kenna nangenga? Ian re•baenggipa bilsini election-nan ong•enga. Mikkang bilsiode gital sorkariko Congress rikgnok ine uamang ma•sienga,” ine Gogoi aganaha.
Saksa Chief Minister ong•e ua manderangni sing•anirangko aganchakna jechakaha ine janapatskaengon, 2026 bilsini Assembly election ja•mande ua aganchakaniko on•telna nanggen aro unon manderangni skanirang chu•sokgipa ong•gen ine Gogoi parakataha.
Na·simang ia video-koba nina man·gen:
Na·simang iakoba poraina man·gen: Clause Six-ko ra•gatani bidingo tom•e chanchirimanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
