Shillong, April 30: Regional Meteorological Centre, da•alko man•chape salbrina April 30 tarikoni May jani 4 tarikona, Meghalaya aro uni sambajolo donggipa a•dokrango mikka balwa aro mikka kimpretani ong•naba gnang ine u•iataha.
Mikka baksana mikka kimpretani aro ta•rakgipa balwarangba dongchapgen, iani a•sel haida adita neng•nikanirangko man•aba donga. Iani gisepon, mikkarang waanichi ding•anirang rang•san tang•ongen ine ka•dongsoenga, uasan ong•aigija ia mikka waanichi, indita ding•preta jaman biaprang sosian baksana ka•sinaniko nikna man•gen.
Agansamsoani gitade, April 30 tariko, adita biaprango kraagita mikkarang wagen, indake ong•engon, East Khasi Hills, West Jaintia Hills-ni diltugipa biaprango jimbee mikka wanaba gnang aro 40-50 kmph mangni gita ta•rakgipa balwarang baksana mikka kimpretanirang West Khasi Hills, East Khasi Hills, West Jaintia Hills, East Jaintia Hills aro Ri-bhoi a•jani diltugipa biaprango ong•naba donga ine mikrakataniko on•ataha.
May jani 1 tariko a•dokni bang•a biaprango jekai, East Khasi Hills,West Jaintia Hills, East Jaintia Hills aro South West Khasi Hills-ni a•jarango kraa gita mikka waanirang baksana badiaba biaprango jimbee waanirang ong•naba gnang. Indake, ia apsan salon biaprang jekai, East Khasi Hills, West Jaintia Hills, East Jaintia Hills, West Khasi Hills, South West Khasi Hills aro Ri-bhoi a•jarangni mittam biaprango mikka balwa ta•rakan baksana mikka kimpretanirang aro 40-50 kmph mangni gita balwa ta•raknaba donga ine mikrakataha.
May jani 2 tariko, a•dokni bang•bata biaprango kraa gita mikka wagen aro mittam biaprang jekai, East Khasi Hills-o jimbee wagen, uni gisepon, West Jaintia Hills aro East Jaintia Hills-ni mittam biaprango mikka waanirang bilongangskagen. Una agreba, South West Khasi Hills-o mikka jimbee waanirang ong•naba gnang. Indake, South West Garo Hills, West Garo Hills, East Garo Hills, South West Khasi Hills, West Khasi Hills, East Khasi Hills, West Jaintia Hills, East Jaintia Hills aro Ri-bhoi a•jarangni mittam biaprango jimbee mikka waan baksana mikka kimpretani aro balwa tarakani 40-50 kmph mangni gita ta•rakangnaba donga ineba mikrakataniko on•angaha.
Una agreba, Assam a•doko aro uni sepangjolo donggipa adita a•dokrangoba 1.5-3.1 kmph mangni gita balminduri ong•gen ine mikrakatan baksana, Sub-Himalayan West Bengal aro South Assam nalsa gita North Bihar-oni Manipur-ona, 0.9 km mangni gita chipakkore satanirangkoba man•gen ine janapataha. Ia chipakkore, North Bangladesh aro uni sepangjolo donggipa biaprango balminduri ong•ani a•sel ong•katskagipa ong•gen ine u•iataha.
Na·simang ia video-koba nina man·gen:
Na·simang iakoba poraina man·gen: Dumper garirangni skatang salanichi Tura-o gari gora salgiparang kentokenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
