Shillong, Dec 11: Mongolbar attamni bako, manderangni ka•oksie nisengsogipa, git ring•anio mingsinggipa Bryan Adams, Shillong songjinmao ga•subee gitrangko ring•enba manderangko an•saodilangaha. Ia mingsingbegipa singer-ko nina gita December jani chiktotbegipa somoirang ong•genchimoba a•dokni dingtang dingtang bakrangoni bang•a manderangan Shillong-ona tom•batokaha.
Canada a•songoni bilsi 65 ong•gipa singer Bryan Adams, uni knatogipa ku•rangchi, bak ra•na re•bagipa sakantini gisikko ka•srokataha aro uko namnikbegipa mande saksa, cassette-o knagipa ku•rang gitan uni ku•rangko a•gitaloba apsane knaia ine aganaha.
Bryan Adams stage-ona gadobaahaon, Shillong songjinmako iandake ka•singen ine ka•dongsojachim ine aganaha. Indake ong•genchimoba, ia ka•sinbegipa wal uni guitar-ko dokata intalan ding•begipa wal ong•skaaha.
Indake, Adams-na agreba uni lead guitarist, Keith Scott-ni ga•subee guitar dokna sapanina, manderangni ka•tongko aio inmanatbeaha.
Adams-ni ia songreaniko dakaniara, uni gitalgipa git “So Happy It Hurts’ ingipa gitko ra•dona miksongani ong•enga.
Indake ia concert-o, uni mingsingbegipa gitrang jekai, ” Heaven”, “Please Forgive Me” aro “Summer of 69” gitrang ko ring•engmitingo, jinmaba ring•pae chrok mesae an•saotokaha.
Name tarisamsoe iandakgipa concert-rangko ong•ataniara, gipin a•songoni re•bagipa dolrangnasan ring•mesokna cholko on•enga ong•aija, indiba a•jatango git ring•na sapgipa dolrangnaba chol on•engani ong•a. Ia concert-ko ong•atanio gipin dolrangba jekai, Snow White aro Blue Temptation dolrangba bak ra•e ring•mesoke an•saoatangaha.
Na·simang ia video-koba nina man·gen:
Na·simang iakoba poraina man·gen: Nongpoh-Umden-Sonapur rama-na pangchakani ro•ongko songe on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
