Shillong, Apr 8: ‘Love of a Lifetime’, ‘When I Look Into your Eyes’ aro uandakgipa dingtang dingtang knatobegipa gitrangko ring•anina mingsing minggamako man•gipa ‘Firehouse’ dolni lead vocalist CJ Snare, Sukrobar walo rang•gitik saaniko man•e a•gilsakko watangaha. Ua bilsi 64 ong•ahachim.
Uni siani koborko ‘Firehouse’ dolni karimskarang social media gita a•gilsakna u•iatengon, “Ian Rock N Roll-na kalimani sal ong•a aro chinga ka•a be•ani baksa chingni jong-adako gimaataha ine a•gilsakna u•iatenga. CJ Snare, saksa Rock N Roll-ko warachakgipa, Firehouse-ni lead vocalist aro bikotdilgipa membor, April-ni 5 tarik Sukrobar walo rang•gitik an•tangni nokon a•gilsakko watangaha. Ua bilsi 64-san ong•kuengpitichim,” ine parakataha.
Uni siani a•selko u•iatjahaoba jadokskangsan ua an•tangni okko surgery dakna sienga ine sianggipa CJ Snare an•tangan parakahachim.
Uni iandake u•iatani ja•man Firehouse dolni pilak concert ba ring•salrarangko dontongchengna miksongahachim indiba ua an•sengpilkujaskalna ine dolni gipin membor-rang, uni biapo gipin singer-ko rimskaaha.
Siangna antisa skangsan Snare an•tangan, ua bakan stage-o gadopilna siengaha ineba social media-o parakatahachim.
Indake ong•genchimoba rasong gribee, ua stage-ona re•bapilna skangan, a•gilsakko watangskaaha.
CJ Snare-ni siangani koborko social media-rango niksoani ja•man Garo Hills-oba git ring•na aro doka dam•na gisik nanggipa bang•a manderangan an•tangtangni kalimpaaniko parakattokaha.
Na·simang ia video-koba nina man·gen:
Na·simang iakoba poraina man·gen: LS Election-o susaenggipa candidate-rangni gimin ma•sina ECI-ni KYC App-o man•gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
