Shillong, Dec 18: Khasi sea-jotanio gingmat gita niksenggipa U Soso Tham 1873 bilsio Sohra-o atchiaha. Chua gadangona poraigipa ong·jaoba ua Khasi ku·sikchi sea-jotani sa·atalo gisikangaha, jatna gimagija gamko donangaha. Dingtang dingtang kamrangko ka·e bon·kamao Shillongni Government High Schoolo Khasi ku·sikko skigipani kamko 1905 bilsioni 1931 bilsio kamoni neng·takaona kingking dangdike on·aha.
Khasi ku·siko sea-jotaniko Soso Tham dingtanggipa bewalona ra·doaha; Khasi aganmitapani bewalko English poetryni bewalming sakruene dingtanggipa seani bewal mingsako nakatataha. Ua ring·a mingani bewalo seanirangko bidol gni chapa ka·e donangaha. Uni segimin “Ka Duitara Ksiar (The Golden Harp, 1925) ki·tapo ming 25 kan·dikdik poedorang, lyrics, ballad, nursery rhyme aro English poetrangni jakmako pe·gimin ming 14 gnang.
Uni nambatsranggipa, “Ki Sngni Ba Rim U Hynniew” (The Golden Days of U Hynniew Trep, 1936) Indiao nakatgipa sea-jotarangni gisepo jakma nambatsranggipa mingsa ong·a. Uan ro·begipa poedo mingsa, jekon bak 10 dake 181 podrangchi bimang ong·ata. Ua sea-jotani katta me·subee Khasi ma·chong 7ni ma·ambi paatchu Hynniew Trep manderangni gimin ning·tue ja·kol sanpilange katta doka.
Aesopni Golporangko Khasi ku·sikona Tham-ni pe·skagiminba Khasi sea-jotanio mongsonggipa maljuri gita ong·a, jekon jat gamchatbee ra·chake jakkala. Ua gipin seanirangkoba pe·skaaha, jekai Charles Dickens-ni “The Life Our Lord” aro Shakespeare-ni “The Tempest,” jekon ua “U Kyllang” ine donskaa. Indiba uni pe·skae segiminrang mitamko chapa ka·rikna man·kujaon gimatokaha.
Khasi ku·sikna dangdike on·an baksa uko ra·dona kam ka·begipa ong·ani gimin U Soso Thamko Meghalayao lekka segiparangoni mongsongbegipa saksa ine chana. Ua 1940 bilsini December 18 tariko siaha. Khasi sea-jotanina bang·en on·gilahaoba uni tangmitingo una maming on·pilskaani gri ong·aha. Indiba kamni kri mande ra·e, 1975 bilsio uni mangkromko songdoaha, jean da·alona kingking Shillongni Soso Tham Auditorium-ni mikkango chadenge dongenga.
Iakoba poraie nina man·gen: Kettelebell de·susaanio Meghalayaoni gold medal man·a aro recordko ong·ata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
