Shillong, May 31: Meghalaya sorkarini gita, ki•tap seanio award man•pilgipa saksa, Dr. Kynphram Sing Nongkynrih-ni gitalgipa ki•tap, The Distaste of the Earth-ko, New Delhi-ni Connaught-o donggipa, The Meghalayan Age – The Store-o oprake on•ani attamo an•saobegipa program-ko ong•atangaha. Ia program-ko ong•atani katta bichongara, “The Art of Storytelling” ine donaha, jean dingtang dingtang sea jotanio gisiko nanggiparang, sorkarini ning•o kam ka•giparang aro jatni dakbewalrangko u•ie ma•sie ra•na sikgipa manderangko salbana dakchakaha.
Ia tom•aniona re•bagipa, dingtang dingtang bilo donggipa manderangoni mittamrangara, Meghalaya sorkarini Commissioner and Secretary, Dr. Vijay Kumar (IAS), Penguin Random House India-ni Editor, Shubhi Surana baksana mande ra•ako man•a kragipa bang•a ki•tap segiparang aro jatni dakbewalrangko ripinggipa dingtang dingtang manderangba iano dongpae bak ra•angtokaha.
Dr. Nongkynrih, sokbagiparangna antangni mittelpilani kattarangko aganengon, uni segipa ki•tap ba golpoko poraisoenggiparangna iano adita an•sengatani, an•chingni aro samtangtango donggipa ong•telaigiparang baksa nangrimaniko che•em che•em nipiltaiani, saksa sakgipina an•chingni dakna nanggni aro an•chingni baseanio chanchisokpilgijagipa gimaaniarangni gimin ia ki•tapo seaha. Ia novel, skang chasongni aro da•o ong•enggipa sal somoirangni giminba seaniko nikna gita man•aha, jean janggi tangani ramao nipiltaiani aro sandie nikanirangkoba mesoka.
Dr. Vijay Kumar, Dr. Nongkynrih-ni on•gilanirangna de•mittele aganenba, uni gitalgipa ki•tapko seanina nama skaniko on•angaha. Meghalayan Age – The Store-ko nipiltaienba, “an•ching iandakgipa kamrangna biaprangko on•a man•aningimjn anga namen katchabea; an•ching changa sapaninaba, jaktangchi tarianina, sea jotanina aro doka damanirangnaba biaprangko on•a man•engaha. Ia biaprang ba cholko on•anina sakantian kusi ong•an baksana rasong chaa.” France a•songni ambassador-ba ki•tap senokgipana, Dr. Vijay Kumar-ni gita nama skaniko on•ataha.
The Distaste of the Earth ingipa golponi ki•tapara, mingsa ka•saaniko, a•jak sokaniko aro ong•telaigipa gamrangko ganggope mandeni nokgipa ong•aniko chanchibewale segimin ki•tap ong•a. Ia segimin golpo, a•gilsako mandeni sason ka•aniko aro ong•telaigipa a•gilsakni kosako mandeni ganggopani gimin golpoko poraisoenggiparangni gisiko sing•doanirangko nadraataha.
Ki•tap senokgipani gimin:
Dr. Kynpham Sing Nongkynrih, Meghalaya a•dokni Sohra-o atchiaha. Ua saksa poedo, golpo aro dakmesokanirangko, Khasi aro English ku•sikchi ki•tap sena sapgipa ong•anina mingsingako man•gipa ong•achim. Uni gital ki•tap, The Distaste of the Earth ki•tap baksana mikkangchi nakatatna sienggipa gipin golpo ki•taprangara, Funeral Nights (Westland ba gipin golporang), The Yearning of Seeds: Poedo (Harper Collins), Time’s Barter: Haiku aro Senryu (Harper Collins) aro Around the Hearth: Khasi Legends (Penguin) ki•taprangan uni mingsingbegipa ki•taprangoni mittamrang ong•a.
Dr. Nongkynrih-ni segimin ki•taprang bang•bea mingsinggipa lekka chappa ka•anioba nakatpaaha, ua segimin ki•taprangara, Planet, The New Welsh Review, PEN International, The Literary Review aro The Oxford Anthology of Writings from Northeast India, iarangan ong•achim.
Uni award man•giparangara, Northeast Poetry Award (2004), The Veer Shankar Shah-Raghunath Shah National Award (2008), Tagore Fellowship (2018), The Bangalore Review June Jazz Award (2021) aro The Sparrow Literary Award (2022), iarangan ong•achim.
Na·simang ia video-koba nina man·gen:
Na·simang iakoba poraina man·gen: Barak Valley-o chi banna re•anichi ripa, sak 1.50 lakh manderang neng•nikaniko man•enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
