Shillong, Nov 6: Meghalaya a•doko a•gilsakni seng•aniko on•anio niksengbatsranggipa skulrangoni damsa aro Shillong songjinmani Laitumkhrah-o donggipa St Anthony’s Lower Primary (LP) skul nokko gital dake rikpiltaina siengaha.
Ia bolni skul nok gitchamahani gimin, skulo poraienggipa bi•sarangni naljokgnina skulko chalaienggiparang, ia skul nokko gital dake rikpiltaina tik ka•aha.
Ia skul nok gitchamko rue gital dake rikpiltaina siengani gimin Don Bosco Technical School-ni Director aro St Anthony’s LP School-ni Rector Father Saji, Hub News-na talataniko on•angengon, ia gitcham skul nok bolchisa rikgipa ong•e da•o skulo poraienggipa chatro chatrirangna kenchakna nangani ong•engahani giminsa uamang, ia skul nokko gital dake rikpiltaina tik ka•aha ine parakataha.
Ia gitcham skul nokko pe•na siengani gimin ia skulo poraianggipa bang•a chatro chatrirangan suk ong•tokjaenganina janapatengon, skulni gitcham chatro chatri ong•e skulnasa ka•pakna nanga indiba noknade ong•na nangja ine Fr Saji aganaha.
Ia gital skul nokko rikanichi skulo poraienggipa chatro chatrirangna naljokanikosan ong•aigija, chatro chatrirangko bang•bate napatna man•gnok aro Laitumkhrah-o gari gorarangni apchangket ong•aniko komiatna gita gari donchakani biapkoba tarina man•gnok ineba Fr Saji parakataha.
Ia gital skul nokko rikna gita Meghalaya Urban Development Authority (MUDA)-ni ra•chakaniko man•aha aro gital skul nokko December jaon rikna a•bachengate bilsignini gisepon matchotatna nisan dongen ineba St Anthony’s LP School-ni Rector parakataha.
Ia skul nok bilsi 123 ong•aha ine mitam songbadrango seaniko jegalatengon, “Shillong-ona Catholic Mondoli 1890 bilsirangosa re•baaha aro Don Bosco-ni Salesian 1922 bilsiosa re•baaha. Ia skul nokko Salesian rikaha ong•ode maikai bilsi 123 ong•gen?” ine Fr Saji sing•doataha.
Na·simang ia video-koba nina man·gen:
Na·simang iakoba poraina man·gen: Agatha, SCPCR-ni gital chairperson ong•e jako ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
