Shillong, Feb 14: An•tangko so•ote gala ine tol•gipa koborko seahani gimin Meghalaya a•dokni Cabinet Minister Marcuise N Marak, ‘The Garo Hills Times’ ingipa social media page-ni kosako FIR ka•doangaha.
East Garo Hills a•jani Superintendent of Police (SP)-na FIR ka•anio Marak-ni parakani gitade, uko so•ote galaha aro ia kamko Garo National Liberation Army (GNLA) dol a•kangaha ine February 13 tariko, ‘The Garo Hills Times’ ingipa social media page-o seahachim.
Iandake tol•gipa koborko seahani gimin an•tangni suk ong•gijaniko parakatengon, ian manderangni gisepo kenjagokaniko, manderangna dilsretaniko aro so•sojengjeng ong•aniko ra•bana jotton ka•ani gitasa ong•aha ine Marak, FIR-o janapataha.
Iandake tol•gipa koborko seaniara manderangna kenchakna nanganiba ong•a ine janapatengon, iani bidingo rakgipa ja•kurangko de•china Minister didiataha.
Iani bidingo ta•raken am•sandianirangko dakchina aro tol•gipa koborko seanio jak donggipa manderangni kosako niamo pangchake sastiko on•chinaba ua, Police-rangko didiataha.
FIR baksana ua social media page-o segipa copy-koba sakkina on•chapataha.
Na·simang ia video-koba nina man·gen:
Na·simang iakoba poraina man·gen: Tripura-o CBI-ni office-oniko bosturang cha•ua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
