Aizawl, Sep 16: Mizoram a•dokni nosto ong•gimin NH-306/06 rama sorokrangko taridapjaengani a•sel, a•dokona gari chalaiani to-rang aro salantio nangnikenggipa bosturangko sokatjaenganichi songdong a•chaenggipa manderang bang•a neng•nikanirangko man•enga. Ia rama sorokrangan, a•dokni dingtang dingtang bakrangona re•ruraanio jakkalgipa rama ong•achim aro ia ramarangni namjabeani a•sel bang•a bostu salruraenggipa truck-rangan jachange dongna nangao ga•akaha aro bosturangko a•dokona sokatna man•jaenga ine nikna man•a.
Indake ong•engani gisepon, Mizoram Oil Tanker Driver Association (MOTDA) aro Petrol Pump Entrepreneurs and Transporters Union of Mizoram (PETUM) dolrang, September 17 tarikoni dipet petrol salruragipa tanker-rang ia rama gita re•ruraaniko dondikatgnok ine tik ka•angaha, jean songdong a•chaenggipa manderangna neng•nikani ong•skagnok.
Ia dolrangni aganani gita de, National Highway 306 aro 06 namen namjabeaha jean petrol salruragipa tanker-rangna kenchakbeani ong•a aro unbaksana ia ramarangko re•ruraani a•sel tanker-rangko dam rakgipa korosrangchi taridapna nangrongenga jeni a•selan petrol aro diesel-rangko sokatanio bang•en korosrangko bon•a nangengachim.
Bang•bata tanker-rangan highway ramao jachange dongna nangenga aro petrol pump-rango to-rang komiangako man•skaengahachim jeni a•selan, petrol pump-rangko chipna nangao ga•akrongenga.
Uasan ong•aigija, bosturangko salruragipa truck-rangba highway ramarango jajchange dongna nangengani gimin salantio nangnikenggipa bosturangni a•doko man•a neng•engaha aro bosturangko salruragipa truck-rangko chalaienggipa dolrangba ramarang namjabeani gimin bosturangko salrurana jechakataha ine nikna man•a.
Na·simang ia video-koba nina man·gen:
Na·simang iakoba poraina man·gen: South Tripura-o bilsi chu•ongkugijagipa me•chik bi•sako til•ekdraa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
