Aizawl, April 24: Bristibar salo, Central Industrial Security Force (CISF), Mizoram-o ge·sa mangmang donggipa Lengpui Airport-o naljokatani kamko officially jako ra·angaha. Dingtangmancha tom·bimonganiko ong·atanio, Mizoram-ni dal·batgipa police officer, Anil Shukla, CISF flag ba nisan-ko Chief Airport Security Officer-na pakwate on·angaha.
Deputy Commandant-ni dilanio, sak 121 CISF officer-rang aiport-o kam ka·anirangko a·bachengataha. Indake jamano iano kam ka·enggipa member-rangko sak 214-ona bariatgen. 1999 bilsi dipetoni airport-o naljokatani kamrangko ka·baenggipa Mizoram Police aro CRPF dolrangko man·chape, iano donggipa naljokatgipa dolrangni palo uamang bodolaniko dakangskaha.
CISF protection-ni ning·o, India-o donggipa airport-rangoni Lengpui-an da·o 69-gipa airport ong·an baksana Mizoram a·doko ian skanggipa changna CISF dolni kam ka·chenganiba ong·enga aro ian India-ni a·song gimiko airport-o naljokaniko namdapatna miksongani dal·begipa bak gita ong·a.
Bobil dakgipa dolrang aro badingsrukgiparangoniko chel·chakaniko on·ani gisepon, naljokanirangko namdapatna aro songre songabatanirangko nengrabatatna gita CISF dol jolni official-rang baksa kamrangko ka·anggen. Lengpui-ko man·chape, CISF dol Sikkim, Arunachal Pradesh, Puducherry aro Lakshadweep-na agre da·o pilak India-ni a·dokrang aro union territory-rangon dongaha. Ia tom·bimonganio, CISF officer-rang, airline staff aro Mizoram sorkarini official-rang dongpae bak ra·angtokaha.
Na·simang ia video-koba nina man·gen:
Na·simang iakoba poraina man·gen: Pahalgam-ni ong·a obostarangni bidingo ong·gija agananina AIUDF ni MLA Aminul Islamko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
