Aizawl, Jan 5: Sonibar salo, Mizoram-ni Skotong Minister, Lalduhoma, Mizo-rangni chu•gimik itihas-rangni gimin bang•an u•itokujani gimin, itihas-ko segiparang aro skang chasongni gimin u•ina gisiko sikgiparangko uamangni itihas-ni gimin am•sandianiko dakchina gita didiataha.
Skotong Minister, “Mizo History and the Great Chiefs of Sailo : Vandula and Ropuiliani,” ingipa ki•tap kingsako nakatataha.
1900 bilsirangon Mizo oikor-rangko bikotahani gimin Mizo itihas-ni gimin seanio namen neng•nikanirangko man•ani gimin Lalduhoma janapataha.
Skotong Minister-ni aganani gitade, Mizo itihas-ni gimin jekon da•o manderang u•iachim uan British-rangni chasongo segiparangsa ong•ani gimin British-rangni sason ka•na skang Mizo itihas-ni gimin u•igipa Mizo manderango sing•e u•ie ra•na nangchongmotani gimin u•iatangaha. Ua pilak am•sandigipa dolrang aro itihas-ni gimin u•ie ra•na gisiko nanggipa manderangko, British-rangni chasongo gita ong•gija Mizo-rangni aganrittingbaanio pangchake itihas-ko sechina ua didiataha.
Mizoram University-ni sak 4 am•sandigipa dolrangni gital segipa ki•tap aro Dr. Selbuanga Foundation-ni nakatatgipa ki•tap-o Sailo Chief ba nokmarang chong•motan itihas-o mingsinggipa sakgni Vandula aro Ropuiliani-ni itihas-ko mesoka ine u•iataha.
Ia ki•tapo, nokma Vandula-ni nokdangni itihas-ni gimin che•em che•em u•iataniko on•a baksana, jakgitetanina krengdilgiparang chong•motan Ropuiliani aro uni segipa Vandula-ni on•gilanirangna mande ra•aniko daka.
Na·simang ia video-koba nina man·gen:
Na·simang iakoba poraina man·gen: Andhra-ni Ramakrishna Beach-o Indian Navy-ni Op Demo-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
