Aizawl, Apr 18: A·gilsakni dingtang dingtang biaprango gitan Mizoram a·dokoba Kristian bebera·giparang, Jisu Kristoni Chisolo sichakaniko gisik ra·na gita Good Friday-ko maniangaha.
Mizoram a·doko Presbyterian mondolini gita ia salko maniangengon, pringni bako dingtangmancha Jisu Kristoko bichal ka·ani gimin aro salpaksachibara Isolni Jisu Kristoko watgalani gimin pamongrang skiprakangaha.
Baptist Church of Mizoram (BCM)-ni gitaba ia Good Friday-ko manianio, Sastroni Mark 15:3-o pangchake ‘Ua sakgipinrangkode an·sengata indiba an·tangkode an·sengatna man·ja’ ingipa katta bichongni gimin jinma chanchirimangaha.
Ia salo Mizoram-ni United Penticostal Church, Salvation Army aro Catholic Mondolirangba Jisu Kristoni duk chakani aro mandeni papna Chisolo sichakaniko gisik ra·e Isolko mittelpilangtokaha.
Ia salni bako Mizoram a·dokni Catholic bebera·giparang, Jisu Kristoni duk chakaniko chakrimpaani bak gita dingtangmancha okumu chake bi·anirangkoba dakangaha. Una agreba Aizawl songjinmani mitam biaprango, Chisolni Rama, Rongtalgipa Missa Boli aro Chisolko olakkianikoba Catholic Mondolirang dakangaha.
Na·simang ia video-koba nina man·gen:
Na·simang iakoba poraina man·gen: Assam-Meghalaya sima ari jolo mande aro mongmani gisepo nanggrikanio mande saksa janggitangko gimaata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
