Aizawl, Dec 29: Bristibar salo Mizoram a·dokni police-rang, mande sakdok baksana gong 8,52,500 ong·gipa Fake Indian Currency Notes (FICN) ba tol·e tarigipa tangkarangko Champhai a·jao donggipa Zotlang-oniko rim·na man·aha. Ia tangkarangara gong 500-ni king 1705 tangkarang ong·achim.

Rim·ako man·gipa manderangara, bilsi 38 ong·gipa Laltlanzova, bilsi 25 ong·gipa Lalnunzauva, bilsi 27 ong·gipa Lalhriatpuia, bilsi 24 ong·gipa Lalthangmawia aro bilsi 38 ong·gipa Rosangzuala ong·achim aro uamang pilakan Mizoram a·dokni Champhai a·jao donggipa Zotlang songoni ong·achim.

Iani bidingo Kulikawn-ni police-rang, Lunglei a·jao donggipa Venglai songni bilsi 48 ong·gipa Lalbiaktluanga-koba rim·aha.