Shillong, March 15: Nongthymmai-ni MLA aro AITC-ni dilgipa Charles Pyngrope, Shillong-o garirang jachange donganiko komiatna gita SkyTrain ba kosako gita relgari re·atchina aro Sustainable Transport and Efficient Mobility ba STEMS bus-rangko bang·bate ra·bachina gita ku·pattianiko dakangaha. Iako dakanio tangka paisani gita neng·nikanirangko man·aba donga ine aganengon, an·chingni biaprangko niatgenchim ong·ode a·ninggita relgari re·atna rama tarinade man·janaba donga ine janapataha.

STEMS bus project-ko bol 30 busrang baksa 2023 bilsio a·bachengatanichi skul re·gipa bi·sarangni jachange donganiko komiatna dakchakahanina de·mittele aganengon, da·o bol 100 bus-rangko on·dapatode aro bus bolprako sak 50 chatro chatrirangko salangna man·genchim ong·ode, bol 50 garirangko komiatna man·genchim ineba ua janapataha. Uasan ong·aigija, niamgri gari dondikate dongiparangni kosakoba rakgipa niamrangko donatchina gitaba u·iatangaha, maina iarangni a·selan garirang jachange dongatako man·ronga ineba ua aganataha.

Shillong-o adita a·arangsan dongaiani gimin, SkyTrain-ko a·bachengatna gita man·ama man·jawa uko poraie nina gita ua ku·pattianiko dakangaha. Officially ra·chakkujagenchim ong·oba, ia chanchibewalanirangko ja·kusa ja·kusa dake a·bachengatna gita man·aba donga ine ua ka·dongsoenga.

Na·simang ia video-koba nina man·gen: 

Na·simang iakoba poraina man·gen: Home Minister Amit Shah, namdapatgimin Lachit Borphukan Police Academy-ko nokdonggae on·anga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub