Shillong, Mar 20: Banggriani aro a•a rurongani somoirango dakna nanggni aro dakchakanirangko on•na gita Bristibar salo, Meghalaya a•dok gimikon Mock Drill ba dake nianiko ong•atangaha.

Ia Mock Exercise-ko Meghalaya State Disaster Management Authority (MSDMA), National Disaster Management Authority (NDMA) baksa nangrime, 8.3 magnitude-o banggriani gita ong•atenba, a•sel ong•anio manderangna dakchakanirangko on•ani bidingo dake mesokangaha.

Shillong-o ia Mock drill-ko Polo-o donggipa Buddha Vidya Niketan Secondary School, Lawmali-o donggipa Soil & Water Conservation Office, Polo Hills, Polo bazaar aro Wahingdoh jolrango ong•atangaha aro ia mock drill-o Civil Defence, MPRO, Police, Health, Fire & Emergency Service, aro volunteer-rangba bak ra•angtokaha.

Tura-oba ia mock exercise-ko District Council Office building, Tura Civil Hospital, Tura Super Market, Tura St Xaviers Secondary School aro Deran Gittim-o ong•atangaha aro Mock Exercise-ko ong•atengmiting somoio Incident Command Post (ICP) aro Planning Section (PS)-ko Tura Circuit House-o done, Operating Section (OS), Staging Area (SA), Relief Camp (RC), Logistic Section (LS)-ko man•chape Base, Camp aro Medical Aid Post-ko Tura Government College-o donskaaha.

Jowai-o ia mock exercise-ko Dowel Fuels Ladthadlaboh-o wa•al kamani aro Raitsasim bypass ramao a•a rurongani gita ong•atangenba, dingtang dingtang department-ni manderang, volunteer-rang baksa manderangna dakchakanirangko on•ani bidingo dakmesokangaha.

Ia mock drill-ko ong•ataniara dingtang dingtang department-rango kam ka•giparangni dakna nanggnirangko mesokanisan ong•aigija, rang•gitik banggriani ba uandakgipa a•sel ong•ani somoirangona manderangko tarie dongna mikrakataniba ong•aha.

Na·simang ia video-koba nina man·gen: 

Na·simang iakoba poraina man·gen: Assam University campus ning·o Iftaar manianiko manina on·ja

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub