Nongpoh, June 6: Meghalaya a•dokni Ri-Bhoi a•jaoni rim•srukanga man•gipa sak 3 manderang joke katbapilna man•aha.
Ri-Bhoi a•jani Police dolni aganani gita, Mawlang-oni Kirit Dohtdong, uni segipa Iohborlang Kharsaitia aro uni sakgni ripengskarang, June 4 tariko Guwahati-ona JCB (excavator)-ko brena re•angahachim aro ua somoio uamangko u•ina man•gijagipa dolrang rim•srukangaha aro uamangko naljoke watatpilna gita gong lakh 7 tangkarangko uni segipani phone no.oni ka•atenba dabiataha ine police-rangna badi ka•ahachim.
Ia koborko man•soa bakan, Ri-Bhoi a•jani Police dolrang June 5 tarikoni am•sandianiko dakna a•bachengataha aro uamangni ka•atgipa phone no.ko track ka•ahaon, biapko Assam-ni Nalbari jolo ong•achim ine u•ina man•aha. Indake, iani bidingo uamang Nalbari Police Station-ona koborko on•ataha aro attamni 3:00 bajimango, jak dongna nanga ine chanchichipenggipa sak 2 manderang, chong•motan, Nalbari a•jani Kaplabori-oni Samsul Hoque aro Abdul Aziz-ko rim•aha ine Assam-ni Mukulmua Police Station-oni koborko on•atskaaha. Uamangko Maruti Ignis gari baksa rim•aha aro sing•sandiani somoio, uamangba ia rim•srukanio jak dongpaa ine ku•rachakan baksa uamangni gipin dolrangni giminba talate on•angaha.
Iani jamano, Ri-Bhoi District Police aro Assam Police nangrimenba Assam-ni Tihu-o naka checking-ko dakangaha. Indake ong•engon, police dolrangni am•sandianiko nikenba gari bolsa bitine sale katpilna jotton ka•ahachim, uno miting, rim•srukanga man•gipa sak 3 manderang garioni bilone katna man•rikaha.
Ia rim•srukanga man•gipa manderangko Tihu Police Station-ona rimangenba, rim•srukanggiparangni bidingo sing•sandianiko dakengkua.
Na·simang ia video-koba nina man·gen:
Na·simang iakoba poraina man·gen: Bakrimgimin dolrang World Environment Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
