Shillong, Dec 4: Meghalaya a•dokni skanggipa passenger ropeway, Shillong Ropeway project-na pangchakaniko Budbar salo, Meghalaya a•dokni Chief Minister Conrad K Sangma, Upper Shillong-ni Shillong Peak View Point-o oprake on•angaha.
Ia Ropeway project-ni pangchakaniko January jani 16 tariko a•songni President Droupadi Murmu, songe on•angahachim aro uandaken ia pangchakaniko Budbar salo, a•dokni Chief Minister oprake on•angskaaha.
Ia project-na pangchakaniko oprake on•anganio, ia project-ko France a•songni POMA company baksa rikna sienggipa Haryana a•dokni KEC International Ltd company-na ‘Letter of Acceptance’-koba pakwate on•angjolaha.
Ia ropeway project-na sorkari, gong crore 175 korosko hisape donenga aro ian Tourism department-ni dal•batsranggipa project-ba ong•enga. Ia ropeway project-ko matchotahaode manderang ianoni, Shillong songjinma gimikkosan ong•aigija Umiam Lake aro gipin biaprangkoba nionatna man•gnok.
Ia Shillong Ropeway project-ni bak gita a•dokni Chief Minister Conrad K Sangma, gong kror 1.5-ni gnigipa instalment-koba Riat Laban Dorbar Pyllun-na pakwate on•angjolaha.
Ia pangchakaniko oprake on•anganio a•dokni Chief Minister, tom•anio bak ra•giparangna aganprakangengon, ia kamko chu•sokatna rakbee kam ka•enggipa pilak dolrangkon mittelpilangenba, a project-ko a•bachengatanio dingtang dingtang neng•nikanirangko chagrongna nanggenchimoba da•o iandakgipa gadangona sokna man•engaha ine an•tangni kusi ong•aniko parakangaha.
Ia kamo bakrimaniko on•engani gimin ua Raid Laban Dorbar Shnong Pyllum-ni ning•o donggipa dingtang digngtang gittimrang, chong•motan Laban, Madan Laban, Upper Lumparing, Lower Lumparing, Lumkjatsngi, Oxford Hills aro Rngi Shillong-ni manderangkoba mittelpilangaha.
Batanggimin bilsirango Riat Laban Dorbar Pyllum-na pilak nanga dakchakanirangko on•ahani gimin a•dokni Chief Minister, dingtangmancha Air Force aro dingtang dingtang sipai dolrangkoba mittelpilangaha.
Ia ropeway-ni ong•onchakgipa Madan Laban jolo apchangket ong•aniko namatna gita Upper Shillong-o donggipa 101 Area-ko man•chape kilometer ong•gipa dingtang ramako tarina miksongenga ineba Chief Minister parakataha.
Mikkang bilsi 50-ni gisepo gisik ra•na kragipa project-rang, jekai Shillong Ropeway project, gital Secretariat aro uandakgipa dingtang dingtang kamrangko chu•sokatna sorkari rake kamko ka•enga ineba ua aganaha.
Re•baenggipa bilsirango, a•song gimiko dal•batsranggipa football stadium, chong•motan ge 40,000 seat donggipa stadium-ko Meghalaya a•doko rikna miksongenga ineba ia tom•anio Chief Minister parakataha.
Ia Ropeway project-na pangchakaniko oprake on•anganio, a•dokni Tourism Minister Paul Lyngdoh, Meghalaya Tourism Development Corporation (MTDC)-ni Chairman Sanbor Shullai, a•dokni Chief Secretary DP Wahlang aro gipin official-rangba dongpae bak ra•angtokaha.
Na·simang ia video-koba nina man·gen:
Na·simang iakoba poraina man·gen: Congress dol jekoba rimnapna jaboldam biap ong•ja : MPCC-ni padot Pala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
