Shillong, Oct 31: Pilak department-rangon kamrangko nakatate on•anichi chadamberangni kamgri ong•e donganiko bon•atna gita sorkari jotton ka•enga ine Sombar salo Meghalaya a•dokni Chief Minister Conrad K Sangma parakataha.
Chief Minister-ni parakatani gitade, bading chiwalaniosan ong•aigija gama ge•ani kamrangoba sorkari, FOCUS program gita dakgipa dingtang dingtang program-rangko ra•gate on•anichi manderangna janggi tangani cholrangko on•enga aro sorkarini ra•gatgipa kamrangoni mitamrangara Milk Mission, Piggery Mission aro uandakgipa mission-rangba ong•enga.
Me•chik dolrangnaba sorkari, dingtang dingtang program-rangko a•bachengate on•aha ine talataniko on•angengon, iandakgipa program-rangko ra•gate on•anichi sorkari, ia me•chik dolrangna tangka paisani gita dakchakanirangko on•enga aro ia dakchakanirangchi dol 14,000 me•chik dolrang aro ia dolrango kamko ka•e cha•enggipa sak lak 4-na baten me•chikrang namgnirangko man•engaha ine Chief Minister parakataha.
Chief Minister-ni parakatani gitade, apsan daken Tourism department-oba, kamgri ong•e dongenggipa chadamberangna kamrangko ka•e cha•na aro janggi tangani cholrangko dake ra•na man•na gita sorkari, dingtang dingtang program-rangko a•bachengate on•aha.
