Shillong, Jun 18: Re•anggipa June 10 tarikonin salgro salaram jolrango mikkarang jimbee wana a•bachengaha aro uandaken Meghalaya a•dokoba damdok a•jarango donggipa gimik dam 42 songrang nangchakeaniko man•aha aro mande sakgni janggiko gimaatna nangaha. Meghalaya a•dok gimiko mikkarang jime waanganichi West Garo Hills a•jaon nangchakeaniko man•bataha.

Meghalaya State Disaster Management Authority (MSDMA)-oni u•iatani gitade, a•dok gimiko mikkarang jimbee waanganichi, te 17 nokrangko man•chape gimik dam 36 nok-jam aro rama jal•langrang nosto ka•ako man•aha aro hectare 4.45-na baten bagan barirang nosto ka•ako man•aha.

West Garo Hills a•jao dam 24 songrang aro sak 2,825-na baten manderang nangchakeaniko man•aha aro nok te•gni nisigalako man•aha.

East Khasi Hills a•jao June 10 tarikoni June 17 tarikona mikkarang jime waanganichi song damsa nangchakeaniko man•aha aro mande saksa chio sripe sina nangaha. Tynring songni bilsi 48 ong•gipa Probino Warbah, re•anggipa June 7 tariko sripe siaha aro uni manggisiko June 10 tarikosa, Mawlai jolo donggipa Wah Umrynjah-oniko man•aha.

East Jaintia Hills a•jaoba song damsa aro sak 107-na baten manderang nangchakeaniko man•aha aro unbaksana hectare 3.45-na baten mi misirang nosto ka•ako man•angaha.

Eastern West Khasi Hills a•jao song damgni nangchakeaniko man•skaaha aro ia song damgnio nok te•gittam nosto ka•ako man•e mande sakbonga neng•nikanirangko chagrongna nangaha.

South West Khasi Hills a•jaoba dam 11 songrang nangchakeaniko man•aha aro ia songrango donggipa te 13-na baten nokrang nosto ka•ako man•e sak 88 manderang neng•nikanirangko man•skana nangaha.

West Khasi Hills a•jaoba damgittam songrang nangchakeaniko man•aha aro mande saksa sie gimik, sak 11 manderang neng•nikanirangko chagrongna nangaha. Nongstoin Block-ni ning•o donggipa Nongkroh Rambrai songni bilsi 49 ong•gipa Kanty Maram, re•anggipa June 12 tariko goera goa man•e siangaha.

West Jaintia Hills aro South Garo Hills a•jaoba mikkarang jime waanganichi a•a be•ani aro chi bananirangko knasona man•aha aro da•o ia a•ja damgnio nangchakea man•gipa song aro manderangko sorkari official-rang hisapna a•bachengengaha.

Meghalaya a•dokni pilak biaprangon mikkarang jimbee waenganichi manderang neng•nikanirangko man•tokengahani gimin dakchakanirangko on•na gita DDMA, BDO, PWD (Roads), NHAI, Municipal Boards, aro Water Resource Department-ni official-rang nanga kamrangko ka•engaha.

Na·simang ia video-koba nina man·gen:

Na·simang iakoba poraina man·gen: Assam-ni CM, Jalpaiguri-o rel gari a•sel ong•anio am•sandiata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub