Shillong, Dec 10: Meghalaya a•doko paikana rikanio 78.5% mangni gita chu•sokaha.
Mongolbar salo “Hamara Shauchalay: Hamara Samman” program-ko bon•atani bak gita Human Rights Day-ko maniangaha aro ia tom•anio PHE Minister Marcuise N Marak jinmana aganprakengon, te 53627 nokdangrangna paikanako aro te 1108 community sanitary complex unit-rangko rike on•aha aro paikanarangko rike on•anio 78.5% mangni gita chu•sokaha ine kobor ra•timgiparangna aganaha.
Humara Shauchalay: Humara Samman program-ko 2024 bilsini November 14 tariko, nokantion paikana rike jakkalchina aro songsalna rike on•gipa paikanarangkoba jakkalna nanganiko u•iate on•a mikasonganio a•bachengataha aro iako gisik ra•ani bak gita, pilakan apsan bilko man•a kragiparang ong•e atchiahani gimin Human Rights Day-ko a•gilsak gimikon manienga ineba ua janapataha.
Una agreba iako a•bachengatani miksonganiara, kraagita rongtal an•tale pilakan dongna nangani aro gipinrangna maming namgijaniko ong•atjana gita, mongsongbate me•chikrang aro me•chik bi•sarangna kenchakani gri ong•atna nangengani gimin u•iataniko on•a miksongani ong•a ineba Marak aganaha.
Indake, paikanarangko rike on•china mol•molani dorgastorangko king lakh 14.80 mangna batpile man•soaha, indake ong•genchimoba uarangoni te 87,184 paikanarangko rike on•a man•aha ineba ua parakataha.
Na·simang ia video-koba nina man·gen:
Na·simang iakoba poraina man·gen: Nativity HS School-ni Golden Jubilee-ko manianio CM bak ra•ea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
