Shillong, June 20: East Jaintia Hills a•jani Indo-Bangla sima arijolo donggipa Kuliang songni manderang, Border Security Force (BSF) sipairangko chadrapaha ine Bristibar salo parakataha.
Ia a•sel Budhbar salni bako ong•ahachim, jensomoio, niam gri badingsrukenggipa Bangladesh-oni sak 30-35 dolrang, guare kaduulgijagipa Kuliang songni Border Outpost (BOP) gita India-ni a•dokona napsrukbae Kuliang jolni badingsrukenggipa dolrangni watatenggipa chinirangko ra•angskaengachim.
Indake ong•enganiko kobor man•soa bakan ua biapona re•ange BSF dolrang uamangko champengna jotton ka•ahachim, indake ong•genchimoba, Bangladesh-oni denggu manderang ua biaponi joke Kuliang songona katnaptokaha aro uamangni palo songni manderangsa warachakskae uamangko watatchina ge•etaha aro uni jamano uamangko rongterangchi gotate aro kragija kattarangko aganenba chadrapaha ine BSF dolrang parakataha.
Ia chadrapanio, sak 2 BSF sipairang saknaatako man•aha aro uamang iani bidingo, Lumshnong Police Station-ni ning•o ga•akenggipa Umkiang-ni police patrol post-ona koborko on•ataha.
Kuliang songara international border sepangjolo donggipa song ong•a, jeon, kragija kamrangko aro niamgri badingsrukanirangko dakna altugipaba ong•achim. Indake India-ni niamgri badingsrukenggipa dolrang, noktangtango bang•a chinirangko chimonge dongiparang ong•a, jekon, guare kaduulgijagipa ariranggita aro somoi karirango nichokie Bangladesh-ni badingsrukenggipa dolrangni dakchakanichi, niamgri bading chiwalaniko dakna man•enga ineba BSF official agandapataha.
2024 bilsini January jaonin, 100,000 kg mangni gita chinirangko BSF dolrang, Kuliang joloniko rim•na man•aha ine nikna man•a.
Iandake niamgri badingsrukani kamrango bak ra•jachina aro sima arirango Bangladesh-oni niamgri badingsrukenggipa dolrangnaba iandakgipa kamrangko ka•na chol on•jachina songni manderangkoba BSF dolrang didiataha.
Ia a•selni bidingo janapatenba, India-ni sima arijolo Bangladesh-oni niamgri badingsrukenganiko jegale, Border Guard Bangladesh-naba BSF dolni gita chittiko sedoataha.
Na·simang ia video-koba nina man·gen:
Na·simang iakoba poraina man·gen: MP scheme-ni tangkarangko jakkalsreta ine matnanganiko Rajya Sabha MP jegala; Youtuber saksani kosako badi ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
