Shillong, Mar 4: Meghalaya aro Assam a•dokni simarango pangkamgipa tom•tomaniko ra•bana man•na gita meligrikna man•jaenggipa bangki damdok biaprangkoba namatna Mongolbar salo, Meghalaya a•dokni Chief Minister Conrad K Sangma ku•rachakaniko on•angaha.

Assembly-o Nongpoh-ni UDP MLA Mayralborn Syiem-ni sing•anirangna aganchakaniko on•angengon, a•dok damgnini simarango pangkamgipa tom•tomaniko ra•bana man•na gita meligrikna man•jaenggipa bangki damdok biaprangko namatna da•alo sorkari, Memorandum of Understanding (MoU)-o soi ka•grikaha ine Sangma aganaha.

Ian namen rakbegipa kam ong•a ine janapatengon, batanggimin somoirango gitcham sorkarirang, iani bidingo chanchirimna gitaba nangnikjachim indiba Meghalaya Democratic Alliance (MDA) sorkari, ka•dongbee ja•kuko de•enba ia neng•nikaniko namatna chanchirimaniona ra•baaha ine Chief Minister parakataha.

Meligrikna man•jaenggipa damdok biaprangoni Tarabari jolrangko a•dok sorkari, manderangni nangnikani gitasa namatna man•aha ineba ua aganaha.

Meligrikna man•jaenggipa biaprango songdongenggipa manderangna rama jal•langrang aro manderangni dingtang dingtang nanganirangko chu•sokate on•na sorkari kamko ka•gen ineba Sangma ku•rachakaniko on•angaha.

Sima jolrango donggipa constituency-rango maiba a•selrang ong•na nanggenchimode aro border police outpost-rangko rikanirang matchotningjaenga ong•ode una u•iatchina gitaba Chief Minister, MLA-rangko didiangaha.

Na·simang ia video-koba nina man·gen: 

Na·simang iakoba poraina man·gen: ‘Wa•pong Sika’ aro ‘An•ding Oka’ kal•susaaniko ICFAI Tura-o ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub