Shillong, Aug 31: Sonibar pringni bako Meghalaya sorkari, Awami League-ni dilgipa Ishaque Ali Khan Panna-ni manggisiko, niam gita dakna nanggni lekka pancharangni kamko matchotman•ani ja•man, Dawki Land Port-o Bangladesh official-rangna pakwatataha.
East Jaintia Hills a•jani Khliehriat Civil Hospital-o Panna-ni manggisiko post-mortem ka•e pilak dakna nanggni kamrangko matchotman•e Bangladesh High Commission-ni ra•chakani ja•man, Khliehriat-oni West Jaintia Hills a•jao donggipa Dawki Land Fort-ona chel•chaksoenggipa dolrang baksa ra•baaha aro unoni Bangladeshi authority-rangna pakwatataha.
Panna, Bangladesh Chhatra League (BCL)-ni General Secretary ong•achim aro Awami League-ni mongsonggipa member ong•an baksana Bangladesh-ni gitcham PM Sheikh Hasina baksa melibegipaba ong•achim.
Batanggimin August 26 tariko, India-Bangladesh sima arioni 1.5 km mang chel•ao ong•gipa East Jaintia Hills a•jani Dona Bhoi songo donggipa gue bagan-oniko Panna-ni manggisiko man•ahachim aro ua salonin, India a•songni Ministry of External Affairs aro Bangladesh a•songni Ministry of Foreign Affairs bakrime kamrangko ka•baaha. Indake uni manggisio donanggipa Bangladesh passport-ko man•anichi Panna-ni manggisi ine u•ina man•ahachim.
Ministry of Affairs aro Home Affairs-ni ge•eta gitan Meghalaya a•dok sorkariba, Bangladesh High Commission baksa bakrime kamko ka•aha aro Panna-ni manggisiko uni atchiram songtangona watatna man•aha.
Khliehriat Civil Hospital-o Post-mortem ka•ani report-o janapani gitade, Panna-ko gitoko aksote siataha ine u•ina man•aha.
Indake bang•a dolrangan, Panna-ni siani a•selko aro India a•song ning•o uni manggisiko galangani bidingo sandianiko dakenga.
Na·simang ia video-koba nina man·gen:
Na·simang iakoba poraina man·gen: EJH-o nokdang ge•sani manderangko chadrapanio BSF dol dos donga ine sakki man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
