Shillong, Nov 27: Budbar salo, Meghalaya a·dokni Chief Minister Conrad K Sangma, Ri Bhoi a·jani Umtrew-o donggipa Meghalaya Biological Park-ni skanggipa bakko oprake on·angaha aro ia park-ko oprake on·anganio, a·dokni Animal & Husbandry & Veterinary Minister AL Hek, MLA Celestine Lyngdoh, Chief Advisor Lakhmen Rymbui aro a·dokni Chief Secretary DP Wahlang-ba dongpaaha.
Meghalaya Biological Park-ni skanggipa bakko oprake on·anganio a·dokni Chief Minister, tom·anio bak ra·giparangna aganprakengon, dingtang dingtang neng·nikanirangko chagrongna nangahani a·sel ia Meghalaya Biological Park-ko matchotna bilsi 24 nangaha ine ia park-ni skanggipa bakko oprake on·na man·ahani gimin an·tangni kusi ong·aniko parakangaha.
Ia Biological Park-ni dingtang dingtang bakrang, jekai ticket counter, cafeteria, souvenir shop aro gipinrangko da·o matchotsrangkujaengoba, ia park-ko kulianiara namen nangchongmotgipa ong·engachim ineba ua aganaha.
Ia Biological Park-ko an·senge ba kal·e ronasan jakkalaigija, chadamberang baksa agangrikna, aro mongsongbate samtangtango ong·telaigiparangko ripingani bidingo chadamberangna aro bi·sarangna agan-talate on·na gita jakkalna man·gen ineba Chief Minister aganaha.
Meghalaya a·doko galchipgimin gitcham project-rangko tangatpilna gitaba sorkari jotton ka·enga ineba ua aganaha.
Technology-ko jakkale a·doko donggipa sam-bolrang aro do·o-matrangko am·sandie see rakkina nangengani gimin aganangengon, a·doko donggipa do·o-matrang aro matburingrangni gimin nambate ma·sina man·genchimosa mande aro matburingrangni gisepo nanggrikanikoba chel·chakna man·gen ine Chief Minister aganaha.
Na·simang ia video-koba nina man·gen:
Na·simang iakoba poraina man·gen: Tripura-ni chatro chatrirang India-Bangladesh sima ari-ona re•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
