Shillong, Feb 5: Budbar salo, Meghalaya a•dokni Chief Minister Conrad K Sangma, CM Impact Meghalaya Class Readiness Program e-Book-rangko oprake on•angaha aro ia tom•anio, a•dokni Chief Secretary DP Wahlang, Education department-ni Commissioner & Secretary Vijay Kumar aro MIDC-ni Chairman James K Sangma-ba dongpaaha.
Ia Meghalaya Class Readiness Program e-Book-rangko oprake on•anganio a•dokni Chief Minister aganprakangengon, ru•uta somoirangonin a•doko lekka porani gadangko namdapatna gita sorkari rakbee kamrangko ka•enga ine parakangaha.
Lekka porani a•bao dingtang dingtang neng•nikanirang, jekai skigiparangni neng•nikani, skul nokrangko rikna nangani, skulni dingtang dingtang gadangrang dongani aro uandakgipa neng•nikanirangko chagrongna nangronga ine janapatengon, iandakgipa neng•nikani aro ra•bianirangko chagrongna nangengoba, secondary skul porikkarango pass ka•ani percentage-ko namdapatna sorkari krenge kamko ka•enga ine Chief Minister aganaha.
Ia Meghalaya Class Readiness Program-ara secondary gadangrangosan ong•aigija primary aro upper primary gadangrangoba skie ra•ani bewalko namdapatna ja•ku de•ani ong•enga ineba Chief Minister talate on•angaha.
Classroom-rango skie ra•ani aro skie on•ani bewalrang dingtangna gita nangenga ine janapatskaengon, iandakgipa ja•kurangko de•anichi lekka porani a•bao sorkarini miksonganirangko chu•sokatna dakchakgen ine Chief Minister, an•tangni ka•dongchakenganiko parakataha.
Ia Meghalaya Class Readiness Program-ara chatro chatrirangko mangrakbatatna aro lekka pora on•aniko bilakbatatna tarigimin program ong•a aro ia program-ni ning•o class 1-oni class 10-ona bi•sarangni dal•roroanio u•i-ma•siani aro changa sapanirangko on•na gitaba tariaha. Ia Meghalaya Class Readiness Program-ara, a•dokni pilak skulrango skigiparangna tarigimin antibrini program-ba ong•a.
Na·simang ia video-koba nina man·gen:
Na·simang iakoba poraina man·gen: Sikkim Krantikari Morcha-ko a•bachengatani 13-gipa bilsiko a•dok gimiko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
