Tura, Jan 16: Mongolbar pringo, Under-18 ba bilsi 18-ni ning·o ong·gipa me·chikrangni robol kal·susaanio, East Jaintia Hills dolko goal 1-0-chi cheenba, Ri Bhoi dol, semi final-ona doangaha.

Ia kal·susaanio Ri Bhoi aro East Jaintia Hills dolgnian krengbee kal·aha indiba bon·kamao Ri Bhoi dol, East Jaintia Hills-ko goal 1-chi cheenba, ia bongagipa Meghalaya Games-ni semi final-ona doangaha.

Semi final kal·susaaniko January 18 tariko, Tura-ni PA Sangma Stadium-o ong·atangskagnok.

Iana skang, Ri Bhoi aro East Jaintia Hills dolgnian an·tangtang baksa kal·gipa dolrangko altubeen chena man·aiahachim maina January-ni 14 tariko Ri Bhoi dol, West Jaintia Hills-ko goal 8-0-chi aro January-ni 12 tariko East Jaintia Hills dolba, West Jaintia Hills dolko goal 7-0-chi amchepatahachim.

Semi final-ona doangna gita ia kal·susaaniara dolgninan chena nangtelgipa kal·ani ong·e, dolgnian a·bachengonin bilakbee aro nambee kal·aha.

Dolgnian goal-rangko chipna gita krengbee kal·aha aro kal·a a·bachengaoni minute gni ong·kuengpition Ri Bhoi a·jani jersey nombor 11-ko gangipa Rimika Khongkai, doltangna goal-sako chipe on·na man·aha.

Uni ja·man dolgnian goal-rangko chipna krengbee kal·ahaoba goal-rangko chipdapna man·jaha aro uandaken Ri Bhoi dol, East Jaintia Hills dolko goal 1-0-chi chee, semi final-ona doangaha.

Semi final kal·susaanio Ri Bhoi dol, Eastern West Khasi Hills dol baksa January-ni 18 tariko, Tura-ni PA Sangma Stadium-o kal·angskagnok.

Iakoba poraie nina man·gen: Moreh Police Officer-ko so•otanio jak donga ine chanchipenggipa manderangko rim•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub