Shillong, Mar 18: Meghalaya a•dokko Citizenship Amendment Act 2019-ni niamrangoniko chu•gimik watna aro a•doko niam gri napsrukanirangko champengna man•na gita Inner Line Permit (ILP)-ko ra•gatna ma•mong sorkariko didichina gita dolgittam NGO-rang, NPP-chi dilenggipa MDA sorkario dabiangaha.
Iani bidingo, Hynniewtrep Youth Council (HYC), Jaintia National Council (JYC) aro Confederation of Ri Bhoi People (CORP) dolrang, dingtangmancha a•dokni Chief Minister Conrad K Sangma-na memorandum-koba on•angjolaha.
HYC-ni president Roy Kumar Synrem-ni parakatani gitade, Meghalaya a•dokni bang•bata biaprangan Sixth Schedule a•jao ga•akgipa biaprang ong•e CAA-oniko watchanggala man•engoba, Assam aro uandakgipa gipin a•dokrangoni niam gri napsrukbaanirangna kenchaksona nanganirang dongengani gimin Meghalaya a•dok chu•gimikkon ia CAA-oni watna nangenga aro niam gri napsrukanirangko bilakbate nirokna man•na gita ILP-ko ra•gatna gitaba nangengachim.
Shillong songjinmani ning•o bang•a biaprangan Sixth Schedule-ni ning•o ga•akgiparang ong•ja aro niam gri songdongenggipa manderangni biaprangba Sixth Schedule a•jarango ga•akgipa biaprang ong•jani gimin Meghalaya a•dok gimikkon CAA-oniko watna nangenga ineba ua aganaha.
“Indakgipa biaprangode CAA 2019-ni niamrangko chol ra•e gipin biaprangoni manderang niam gri re•napbana man•aigen aro uni ja•man ia biaprango songdongkamna gita dorgastorangko galna man•aigen. Ia manderang CAA-ni ning•o dorgastorangko galahaode maikai a•dok sorkari, uamangko champengna man•kugen?” ine Synrem sing•doataha.
Na·simang ia video-koba nina man·gen:
Na·simang iakoba poraina man·gen: Congress-ni a•gipibate dilgipa Paban Singh Ghatowar, Sarbananda Sonowal-ko de•mitela
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
