Tura, June 28: Meghalaya a•dokni West Garo Hills a•jani ning•o donggipa Baladinggre songoniko Kerala-o PhD dakenggipa chatro saksani sandirikite nianio rokkom gitalni guangko nikna man•aha.
Kerala-ni Sacred Heart College-o Division of Arachnology-o PhD-ko poraienggipa Gautam Kadam, 2022 bilsio guangrangni gimin sandirikitaniko dakna gita Baladinggre songona re•baahachim.
Baladinggre song, ian West Garo Hills Tura-oni 65 km mangni gita chelao donggipa Betasing Block-ni ning•o ga•akgipa song ong•a jeon, te 55 nokdangrang gnang aro uano gimik gimang sak 314 songdong a•chaenggipa manderang gnang, jeonin, sak 160 me•asarang aro sak 154 me•chikrang ong•achim ine 2011 bilsio sandie nianio u•ina man•aha.
Gautam Kadam, ia songo sal 5-na saldongange guangrangni gimin sandirikitaniko dakangaha. Ia nikronggijagipa gitchakmrang aro a•mang rong dakgipa rokkom gitalni guangko, ua nikenba rim•e ra•angaha. Ia guang, Palp-Footed Spider ingipa rokkomoni ong•achim jerangkon, mangrakgipa uamangni mikkangni ja•arangni gimin ma•sibatachim.
Indake, ia guangko lab-o nambate sandie nianiko dakani ja•mano, ian Palpimanidae rokkomoni Steriphopus ong•a aro ian rokkom gitalba ong•a ine Kadam aro uni dolrang u•ina man•aha jekon, Steriphopus wangala ine uamang bimungkoba donaha.
Ia rokkom gitalni guangko sandirikite nianio, science-ni gitasan chu•sokgipa ong•aigija, jatni dakbewalrangna on•gilpaaniba ong•achim. Ia rokkom gitalni guangko, Pattigipa ra•rongipa Saljong-ko mande ra•e A•chikrangni manirongbaenggipa 100 Drums Wangala Festival ba manianina on•kangani ong•a aro ia A•chikrangni manianiko gisik ra•ani gita, guangni bimungkoba Steriphopus wangala ine bimung donaha, ine Kadam aganaha.
Na·simang ia video-koba nina man·gen:
Na·simang iakoba poraina man·gen: HSSLC-ni result-ko hisaptaiani ja•man GH-ni chatro saksa Top 10-ni skugipa biapko man•ea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
