Shillong, June 15: Common University Entrance Test (CUET)-ko gipin a•dokrango sena donatako man•gipa Meghalaya a•dokni chatro chatrirangna dingtang tariko porikkako ra•taichina gita ma•mongni Education Ministry, National Testing Agency (NTA)-na ge•etaniko on•ataha ine Bristibar salo, Meghalaya a•dokni Education Minister Rakkam A Sangma parakataha.

June 16 tariko, CUET-ko sena nangenggipa Meghalaya a•dokni mitam chatro chatrirangna Ranchi, Jharkhand, Jorhat, Dibrugarh, Kolkata aro uandakgipa biaprangosa porikka sechakani centre-rangko on•ahani gimin a•dokni chatro chatrirangna ta•raken dingtang cholrangko tarichina gita National Testing Agency (NTA)-na ge•etaniko on•atchina ine a•dokni Chief Minister Conrad K Sangma Budbar salo, Union Education Minister Dharmendra Pradhan-na sedoatahachim.

Indake ong•engon, gipin a•dokrango sena donatako man•e CUET-ko serikna man•gijagipa Meghalaya a•dokni chatro chatrirangna dingtang tariko ia porikkako ong•atskachina gita Union Education Ministry, NTA-na ge•etaniko on•ataha ine a•dokni Education Minister parakataha aro ian CUET-ko sena nangenggipa Meghalaya a•dokni chatro chatrirangna rang•speaniko ra•baani gita ong•aha.

Meghalaya a•doko CUET centre-rangko kulidapchina gita a•dok sorkari, Union Education Ministry-ko mol•molataha ineba Sangma parakataha.

Also read: Newly elected body of Wancho Council takes oath in Longding

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub